Psonm 8:4 - Labib An Kreol Seselwa

⁴ ki zonm i ete, pour ki ou mazin li e en imen pour ou pran swen avek li?

Psonm 8:4 ပူးပေါင်းရင်းမြစ်များ

Zenez 1:1

O konmansman, Bondye ti kree lesyel ek later.

Zenez 1:14

Alor, Bondye ti dir: I ava annan bann lalimyer dan lesyel pour separ lizour avek aswar; zot ava servi koman siny pour endik bann lafet, bann zour ek bann lannen.

Zenez 19:35

Alor, zot ti fer zot papa bwar diven sa swar osi. Pli zenn fiy ti al dormi avek son papa. Lot ti napa konnesans ni kan son fiy ti al dormi, ni kan i ti leve.

Zenez 21:1

Parey i ti'n promet, SENYER ti entervenir an faver Sara. I ti azir anver Sara dapre son parol.

2 Kronik 6:18

Me eski Bondye pou vreman reste avek bann imen lo later? Lesyel pli o, pa kapab kontenir ou. Koman alor, sa lakaz ki mon'n fer, pou kapab kontenir ou?

Liv Zob 25:6

kisisa en et imen devan Bondye? Pa i zis en lever?

Liv Zob 7:17

Ki zonm i ete pour ki ou pran ka avek li? Pour ki rezon ou fer sousi pour li?

Psonm 106:4

SENYER! Mazin mwan, pran ka avek ou pep, sekour mwan.

Psonm 136:5

In fer lesyel avek lentelizans; son fidelite i dire pour touzour.

Psonm 136:9

Lalin avek bann zetwal pour gouvern lannwit; son fidelite i dire pour touzour.

Psonm 144:3

SENYER! Ki valer en et imen i annan pour ki ou enterese avek li? Ki en mortel i ete pour ki ou pran ka avek li?

Psonm 146:3

Pa met ou konfyans dan bann sef, dan bann imen ki pa kapab sov ou.

Psonm 19:2

Sak zour i anons li avek en lot zour; lannwit i fer konnen avek lannwit ki swiv.

Psonm 4:2

Zot bann zonm! Pandan konbyen letan ankor zot pou abes mon loner? Pandan konbyen letan ankor zot pou dir bann parol vid ek mansonz?

Psonm 80:17

Protez sa pep ki ou'n swazir; prezerv sa nasyon ki ou'n donn lafors.

Psonm 96:5

Tou bann bondye lezot pep i zis zidol. Me SENYER in kree lesyel.

Egzod 4:31

Lepep ti krwar. Kan zot ti aprann ki SENYER ti'n azir an faver bann Izraelit e ki i ti'n war zot soufrans, zot ti prosternen e ador SENYER.

Ezai 40:17

Bann nasyon, zot nanryen ditou devan li. Dan son lizye, zot pou mwens ki nean.

Ezai 51:12

La sa ki SENYER i deklare: Mwan menm ou konsolater. Alor, akoz ou per zonm ki parey ou en et imen ki mor parey zerb?

Ezekyel 8:15

I ti dir mwan, “Ou ki en imen, ou'n war sa? Me ou pou war keksoz pli degoutan ankor.”

Matye 8:20

Zezi ti dir li, “Bann renar i annan zot trou, zwazo dan lesyel i annan zot nik, me Fis-de-Lonm napa en landrwa kot i kapab repoz latet.”

Levanzil dapre Lik 1:68

Mon rann glwar mon Senyer, Bondye pep Izrael, akoz in vin vizit e delivre son pep.

Levanzil dapre Lik 19:44

Zot pou kraz ou ek tou ou bann zanfan. Pa en sel ou bann ros pou reste an plas, akoz ou pa ti rekonnet letan Bondye ti vini, pour li sekour ou.”

1 Pyer 2:12

Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.