Psonm 79:9 - Labib An Kreol Seselwa

⁹ Mon Bondye, nou sover! Vin sekour nou pour montre ou grander. Pour loner ou non, delivre nou e pardonn nou.

Psonm 79:9 ပူးပေါင်းရင်းမြစ်များ

2 Kronik 14:11

Asa ti kriy ver SENYER, son Bondye: Ou tousel ki kapab sekour sa ki feb, koman sa ki for. Vin sekour nou, SENYER, Bondye, akoz nou kont lo ou. Nou'n sorti pour lager lo ou non, kont sa gran larme. SENYER, ou menm, nou Bondye, pa permet ki zonm i ganny laviktwar kont ou.

Psonm 115:1

Non SENYER! Pa nou. Pa nou ki merite. Me zis ou non ki merit laglwar, akoz ou bonte ek ou fidelite.

Psonm 25:11

SENYER! Pour loner ou non, pardonn mwan bann gro pese ki mon'n fer.

Psonm 31:3

Vreman! Ou menm mon Ros protekter e mon fortres. Akoz ou non i gran, kondwir mwan e gid mwan.

Psonm 65:3

Pwa mon fot i tro lour pour mwan. Ou pou pardonn tou nou pese.

Ezai 43:25

Pourtan, mwan, mwan menm, par mon prop pwisans, mon pardonn tou ou fot e mon pou oubliy tou ou bann pese.

Ezai 48:9

Pour loner mon non, mon pou kontrol mon lakoler; pour loner mon laglwar, mon pasyant ankor, pour mwan pa fer ou disparet.

Zeremi 14:21

Akoz ou promes, pa mepriz nou. Pa anmenn dezoner lo Zerizalenm, la kot tronn ou laglwar i'n ganny etabli. Pa kas sa lalyans ki ou ti fer avek nou.

Zeremi 14:7

Mon pep i kriy ver mwan: Menm si nou pese i akiz nou, ed nou, SENYER, pour loner ou non. Plizyer fwa nou'n tourn nou ledo kont ou; nou'n komet bokou pese kont ou.

Ezekyel 20:14

Pourtan, mon'n azir avek konsiderasyon pour mon loner, pour ki mon non pa ganny profannen parmi bann nasyon ki ti war kan mon ti fer zot sorti Lezip.

Ezekyel 20:44

Alor, zot ava konnen ki mwan menm SENYER, kan mon pran aksyon pour prezerv mon loner, akoz mon pa pou pran kont zot move lavi, ni zot move aksyon. Senyer BONDYE ki deklare.

Ezekyel 20:9

Me mon'n azir avek konsiderasyon pour mon loner, pour ki mon non pa ganny profannen parmi bann nasyon kot zot zanset ti reste. Annefe, sa bann nasyon ti deza konn mon promes pour fer zot sorti Lezip.

Danyel 9:19

Senyer, ekoute! Senyer, pardonn nou! Senyer, pran pitye! Azir, san tarde! Pour ou non, mon Bondye! Akoz ou non i ganny envoke lo sa lavil e lo ou pep!

Danyel 9:9

Senyer, nou Bondye, ou pran konpasyon e ou pardonnen; pourtan nou'n revolte kont ou.

Malasi 2:2

Si zot pa ekout mwan, e zot pa pran ka pour glorifye mon non dan sa ki zot fer, alor mon pou devers malediksyon lo zot, SENYER ki deklare. Mon pou sanz mon benediksyon an malediksyon. Annefe, mon'n fini modi zot, akoz zot pa pe pran mon lord aker.

Efezyen 1:6

Alor, annou loue Bondye pour son lagras, pour donn nou gratwitman sa kado, dan son Garson byenneme.

Zozye 7:9

Bann Kananeen ek tou bann zabitan pei, ler zot pou antann sa ki'n arive, pou anserkle nou, detri nou e detri nou non dan sa pei. Ki mannyer ou pou fer rekonnet ou gran renonmen?”