Psonm 78:6 - Labib An Kreol Seselwa

⁶ Konmsa, zenerasyon fitir ava konnen e rakont avek zot bann zanfan.

Psonm 78:6 ပူးပေါင်းရင်းမြစ်များ

Ester 9:28

Zot devre rapel sa bann zour e i devre ganny obzerve zenerasyon apre zenerasyon, dan sak fanmir, provens, lavil. Sa bann zour Pourim pa devre zanmen ganny abandonnen parmi bann Zwif; son lobzervasyon pa devre ganny abandonnen parmi zot desandans.

Psonm 102:18

Ekri sa pour bann zenerasyon fitir e sa nouvo pep ava loue SENYER:

Psonm 145:4

Zenerasyon apre zenerasyon pou loue ou bann mervey; zot pou rakont ou bann aksyon merveye.

Psonm 22:31

Zot pou rakont avek zot desandans, tou bann mervey ki SENYER in fer.

Psonm 48:13

Admir son bann miray, kontanple son bann pale. Konmsa ou ava kapab rakont prosen zenerasyon

Psonm 71:18

Mon Bondye! Aprezan ki mon'n vye avek seve blan, pa abandonn mwan. Les mwan proklanm ou lafors avek sa zenerasyon e ou pwisans avek zenerasyon fitir.

Psonm 90:16

Fer ou bann serviter war bann mervey ki ou'n akonpli e nou bann zanfan ava dekouver ou laglwar.

Egzod 10:2

pour ki ou osi, ou rakont ou bann zanfan ek ou bann pti zanfan ki mannyer mon ti tret bann Ezipsyen, e bann siny ki mon ti fer parmi zot. Konmsa, zot ava konnen ki mwan menm SENYER.”

Zoel 1:3

Rakont sa avek zot bann zanfan; zot bann zanfan ava rakont avek zot bann zanfan; zot bann pti zanfan, ava rakont avek zot zenerasyon.

Deterononm 4:10

Rapel zour ou ti debout devan SENYER, ou Bondye, lo montanny Horeb, ler SENYER ti dir mwan: Rasanble lepep devan mwan; mon oule fer zot antann mon bann parol, pour ki zot aprann annan respe anver mwan, tou le zour zot lavi lo later e pour zot ansenny osi zot bann zanfan.