Psonm 78:4 - Labib An Kreol Seselwa

⁴ nou pa pou kasyet avek nou bann zanfan. Nou pou rakont bann zenerasyon fitir, bann mervey ki SENYER in fer avek son lafors e bann gran mervey ki i'n fer.

Psonm 78:4 ပူးပေါင်းရင်းမြစ်များ

Liv Zob 15:18

e sa ki bann saz in dir. Zot rakonte san kasyet nanryen, sa ki zot in resevwar avek zot bann zanset:

Psonm 26:7

Mon sant en kantik remersiman pour tou bann mervey ki ou'n fer pour mwan.

Psonm 9:14

pour mwan rakont devan laport Zerizalenm tou bann mervey ki ou'n fer. Mon pou danse dan lazwa, akoz ou'n delivre mwan.

Egzod 12:26

Kan zot zanfan ava demann zot: Ki savedir sa seremoni?

Egzod 13:14

Alavenir, kan ou garson ava demann ou: Ki savedir sa? Ou ava reponn li: Par son pwisans, SENYER ti delivre nou dan lesklavaz Lezip.

Egzod 13:8

Sa zour, ou ava dir ou zanfan: Mon fer sa, an memwar sa ki SENYER ti fer pour mwan letan mon ti sorti Lezip.

Ezai 38:19

Zis dimoun vivan, sa ki vreman vivan, ki kapab loue ou parey mon pe fer. Se bann paran ki fer zot zanfan konn ou fidelite.

Zoel 1:3

Rakont sa avek zot bann zanfan; zot bann zanfan ava rakont avek zot bann zanfan; zot bann pti zanfan, ava rakont avek zot zenerasyon.

Deterononm 11:19

Ou ava ansenny zot ou bann zanfan; ou ava koz lo zot ler ou dan lakour, ler ou pe marse lo semen, ler ou pe al dormi e ler ou leve.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Deterononm 6:7

Ou ava ansenny zot avek ou bann zanfan. Ou ava koz lo zot ler ou dan lakour, ler ou pe marse lo semen, ler ou pe al dormi e ler ou reveye.