Psonm 77:2 - Labib An Kreol Seselwa

² Kan mon dan maler, mon tourn ver SENYER. Dan lannwit, mon reste lanmen anler, san repo; mon refize ganny konsole.

Psonm 77:2 ပူးပေါင်းရင်းမြစ်များ

Zenez 32:28

I ti dir li, “Ou pou nepli apel Zakob, me Izrael, akoz ou'n lite kont Bondye e kont zonm, e ou'n ganny laviktwar.”

Zenez 37:35

Tou son bann garson ek son bann fiy ti vin konsol li. Me i ti refiz tou konsolasyon. I ti dir, “Dan dey ki mon pou al kot mon garson, dan lemonn lanmor.” Zakob pa ti arete plere.

2 Kronik 6:28

Kan pou annan lezot maler: Lafanmin oubyen lepidemi oubyen lepidemi tel ki sotrel, senir ek lezot maler ankor; kan lennmi ava atak ou pep dan son pei, devan laport bann lavil; kan zot ava ganny atake par toudsort maler ek maladi;

Liv Zob 11:13

Me si ou sanz ou leker; si ou lev ou lanmen ver Bondye;

Psonm 18:6

Dan mon detres, mon ti apel SENYER; mon ti kriy ver mon Bondye pour son led. Depi son tanp, i ti antann mon lavwa, e i ti antann mon lapel.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Psonm 55:17

Bomaten, midi, aswar mon boulverse, mon plennyen. I ava antann mon lavwa.

Psonm 63:6

Ler mon alonze lo mon lili, mon mazin ou. Mon pas tou lannwit mazin ou,

Psonm 86:7

Mon apel ou zour mon dan maler akoz ou reponn mwan.

Proverb 18:14

Lespri en zonm i soutenir li dan maladi; me lekel ki pou remet debout en lespri dekouraze?

Ezai 26:16

SENYER! Zot ti rod ou ler zot ti dan detres. Zot ti priye ler ou ti pe pini zot.

Ezai 26:9

Pandan lannwit, mon rod ou avek tou mon leker. Mon lespri i rod ou avek en dezir profon. Akoz ler ou aplik zizman lo later, bann zabitan lemonn i aprann pratik lazistis.

Zeremi 31:15

La sa ki SENYER i deklare: Nou antann bann lavwa kriye asodlarm, sorti dan direksyon Rama. Sa i Rasel ki pe pler son bann zanfan. I refiz tou konsolasyon, akoz zot nepli la.

Oze 5:13

Efraim i rekonnet son maladi, e Zida son bann blesir. Alor, Efraim in al ver Asiri e anvoy mesaze kot lerwa Yareb. Me sa lerwa pa pou kapab geri li, ni pran ka son bann boubou.

Oze 6:1

Zot dir: Annou retour ver SENYER. I'n desir nou, me i ava geri nou. I'n bles nou, me i ava pans nou blesir.

Levanzil dapre Zan 11:31

Kan bann Zwif ki ti pe konsol Mari kot lakour, ti war li leve e sorti vitman, zot ti swiv li. Zot ti krwar ki i ti pe al kot tonbo pour al plere.

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.