Psonm 76:7 - Labib An Kreol Seselwa

⁷ Ou formidab! Lekel ki kapab reste debout devan ou kan ou lakoler i leve?

Psonm 76:7 ပူးပေါင်းရင်းမြစ်များ

1 Kronik 16:25

SENYER i gran e merit ganny loue. I pli terib ki tou lezot bondye.

Esdras 9:15

SENYER, Bondye Izrael, ou ki zis, ou'n permet ki ozordi, ki serten parmi nou i reste ankor vivan. Nou bann sirvivan; sanmenm sa ki nou ete ozordi. Nou la devan ou avek nou bann fot, alor ki personn pa ti devre kapab sibziste konmsa, devan ou.

Psonm 130:3

SENYER! Si ou tenir kont tou nou bann pese! Lekel ki pou sibziste?

Psonm 2:12

rekonnet son garson; pangar i pran lakoler e ki ou mor dan semen. Akoz son lakoler i mont fasilman. Byennere sa enn ki met son konfyans dan SENYER.

Psonm 89:7

Bondye i ganny respekte dan konsey bann lanz; i gran e formidab dan son lantouraz.

Psonm 90:11

Lekel ki kapab konn lafors ou lakoler? Nou lafreyer i osi gran ki ou lakoler.

Egzod 15:1

Alor, Moiz avek pep Izrael ti sante an loner SENYER: Mon pou sant pour SENYER; in montre son grander dan en tre gran laviktwar. I'n zet seval ek son kavalye dan lanmer.

Egzod 15:4

I'n zet dan lanmer, kales lager Faraon ek son larme. Son bann vayan kavalye in anfons dan lanmer Rouz.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Matye 10:28

Pa per bann ki touy lekor, me ki pa kapab touy ou et antye. Plito per sa enn ki kapab detri ou lekor ek ou et antye dan lanfer.

1 Korentyen 10:22

Eski nou oule fer Senyer zalou? Eski nou krwar ki nou pli for ki li?

Revelasyon 14:7

I ti kriy avek en lavwa for: Annan respe pour Bondye e rann li glwar, akoz ler son zizman in arive. Ador sa enn ki'n kree lesyel, later, lanmer ek bann sours delo!

Revelasyon 15:4

Senyer! Lekel ki pou refize onor ou? Lekel ki pou refize rann ou glwar? Zis ou tousel ki sen. Tou nasyon pou vin ador ou, akoz ou zizman in ganny revele.