Psonm 76:6 - Labib An Kreol Seselwa

⁶ Bondye Zakob! Kan ou ti menas zot, bann kavalye ek zot seval ti tonm san konnesans.

Psonm 76:6 ပူးပေါင်းရင်းမြစ်များ

2 Samyel 10:18

Bann Siriyen ti bezwen sove devan Izrael; David ti touy 700 solda lo seval, e 40,000 solda apye, zot zeneral, Sobak ti mor la.

2 Rwa 19:35

Sa menm swar, lanz SENYER ti sorti e touy 185,000 zonm dan kan bann Asiriyen. Ler lizour ti fer, ti annan zis dimoun mor.

2 Kronik 32:21

SENYER ti anvoy en lanz ki ti detri tou bann vayan gerye ek bann komandan dan kan lerwa Asiriyen. Alor, lerwa Asiriyen, kouver avek laont, ti retourn dan son pei. Plitar, ler i ti antre dan tanp son bondye, serten son bann prop garson ti touy li avek lepe.

Psonm 104:7

Ler ou ti reprimann zot, zot ti fannen; zot ti taye ler zot ti antann tapaz ou loraz.

Psonm 18:15

SENYER! Devan ou bann menas, devan tanpet ou lakoler, fon lanmer ti aparet e fondasyon later ti ganny ekspoze.

Psonm 80:16

Lennmi in met dife ladan, in koup li. Dan ou lakoler, fer zot disparet devan ou.

Egzod 15:1

Alor, Moiz avek pep Izrael ti sante an loner SENYER: Mon pou sant pour SENYER; in montre son grander dan en tre gran laviktwar. I'n zet seval ek son kavalye dan lanmer.

Egzod 15:10

Ou ti fer soufle ou divan e lanmer ti kouver zot. Zot ti koule parey diplon dan en lanmer formidab.

Egzod 15:21

Mirianm ti sant avek zot: Sant pour SENYER akoz in ganny laviktwar: Seval ek kavalye in ganny zete dan lanmer.

Ezai 37:36

Sa menm swar, lanz SENYER sorti e touy 185,000 zonm dan kan bann Asiriyen. Ler lizour ti fer, ti annan zis dimoun mor.

Zeremi 51:39

Pour satisfer zot gran lapeti, mon pou prepar en gran festen pour zot, kot zot ava bwar ziska ler zot pou sou. Kan zot ava al dormi, zot pa pou zanmen leve, SENYER i deklare.

Zeremi 51:57

Mon pou soul son bann sef, son bann saz, son bann gouverner, son bann gerye. Zot pou al dormi pour touzour e zot pa pou zanmen lev ankor, sa enn ki Lerwa, ki apel SENYER liniver i deklare.

Ezekyel 39:20

Dan sa gran repa, zot pou manz ziska zot rasazye: Seval ek son kavalye, solda ek toudsort konbatan. Senyer BONDYE ki'n deklare.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Nahoum 2:13

La sa ki SENYER liniver i deklare: Mon kont ou, e mon pou fer ou bann kales lager vin lafimen; ou bann zenn lyon pou ganny masakre. Mon pou aras ou tou sa ki ou ti pran lo later. Zot pa pou antann lavwa ou bann mesaze ankor.

Nahoum 3:18

Lerwa Asiri! Ou bann sef pe dormi; ou bann gerye nepli bouze. Ou pep in ganny disperse lo bann montanny; napa personn pour rasanble zot.

Zakari 12:4

La sa ki SENYER i deklare: Sa zour, mon pou fer per tou zot seval e rann fou zot kavalye. Me letan mon frap bann seval bann nasyon e fer zot vin aveg, mon pou vey lo tribi Zida.

1 Samyel 26:12

Alor, David ti pran lans ek gargoulet delo ki ti obor son latet, e zot ti ale. Personn pa ti war zot, personn pa ti konnen, personn pa ti reveye. Zot tou, zot ti pe dormi. Annefe, SENYER ti'n fer zot tonm dan en profon sonmey.