Psonm 74:9 - Labib An Kreol Seselwa

⁹ Nou nepli war ou prezans. Nou nepli annan okenn profet. Personn parmi nou pa konnen ziska kan sa sityasyon pou dire.

Psonm 74:9 ပူးပေါင်းရင်းမြစ်များ

Egzod 12:13

Sa disan ava en siny lo bann lakaz pou montre kot zot ete. Ler mon pou war sa disan, mon pou pas par lao zot e sa fleo pa pou detri zot kan mon pou pini Lezip.

Lamantasyon 2:9

Bann gran laport in ganny met ater. Bann fermtir in ganny kase an morso. Lerwa ek son bann zofisye in ganny anvoye annegzil. Lalwa nepli ganny ansennyen; bann profet nepli ganny vizyon sorti kot SENYER.

Ezekyel 20:12

Mon ti osi donn zot mon bann saba koman en siny ant mwan ek zot, pour ki zot konnen ki mwan SENYER ki rann zot sen.

Ezekyel 7:26

Maler apre maler, move nouvel pou vin enn apre lot. Zot pou sipliy profet pour revel en vizyon, me pret pou nepli annan lalwa pour ansennyen. Bann ansyen pou nepli annan konsey pour donnen.

Amos 8:11

La sa ki Senyer BONDYE i deklare: Sa zour pe vini, kan mon pou anvoy lafanmin dan pei. Dimoun pou mor lafen, me pa akoz zot mank manze. Zot pou mor laswaf, me pa akoz zot mank delo. Zot pou lafen, zot pou swaf, pour antann parol SENYER.

Mise 3:6

Pour sa rezon, lannwit pou tonm lo zot. Zot pa pou ganny okenn vizyon ankor. Fernwanr pou tonm lo zot san revelasyon ankor. Soley pou kous lo sa bann profet: Lizour, zot pou dan fernwanr.

Mise 3:7

Bann ki predir lavenir, pou dan konfizyon, bann deviner pou dan laont! Zot tou, zot pou reste kozpa, akoz Bondye pa reponn zot.

Ebre 2:4

Anmenmtan, Bondye in konfirm sa temwannyaz par bann siny, bann levennman ekstraordiner ek toudsort mirak. I'n osi distribye bann don Lespri Sen dapre son lavolonte.

Ziz 6:17

Zedeon ti dir li, “Si vreman mon ganny ou faver, donn mwan en siny pour prouve ki ou menm ki pe koz avek mwan.

1 Samyel 3:1

Sa zenn garson, Samyel, ti kontinyen servi SENYER anba sirveyans Eli. Dan sa lepok, mesaz sorti kot SENYER ti rar; i ti pa souvan kominik par vizyon.