Psonm 72:6 - Labib An Kreol Seselwa

⁶ I ava parey lapli ki tonm lo laplenn, e lapli ki aroz later.

Psonm 72:6 ပူးပေါင်းရင်းမြစ်များ

2 Samyel 23:4

i parey bomaten ler soley pe leve dan en lesyel kler san nyaz; lasaler son reyon ek lapli verdir i sorti dan later.

Psonm 65:10

Ou met delo dan rigol, delo pour irigasyon. Ou kas bann boul later, ou fer zot mou. Ou aroz li avek lapli e fer pouse bann plant.

Proverb 16:15

Kan figir lerwa i zwaye, sa i siny lavi; son labonte i parey lapli ki rafresi.

Proverb 19:12

Lakoler en lerwa i parey gronnyman en zenn lyon; me son labonte i parey laroze lo zerb.

Ezai 5:6

Mon pou les li vin en landrwa abandonnen. Personn pa pou tay son bann brans; personn pa pou aras bann move zerb. Bann plant anvaisan ek zarbis pikan pou pouse. Mon pou anpes bann nyaz fer lapli tonm lo li.

Oze 6:3

Annou konn li, annou vreman rode pour konn SENYER. I pou aparet, sa i sir parey lizour i fer. I pou vini zis parey lapli i tonbe, parey lapli i aroz later dan sezon lapli.

Mise 5:6

Zot pou diriz Asiri avek lepe, e pei Nenmrod avek zarm. Si bann Asiriyen i vin dan nou pei, si zot travers nou frontyer e penetre dan nou teritwar, konmsa, ki nou pou ganny delivre.

Deterononm 32:2

Mon lansennyman i tonm parey lapli, e mon bann parol i koule parey gout laroze; parey grenas lo zerb, parey bann gout delo lo gazon.