Psonm 72:5 - Labib An Kreol Seselwa

⁵ Fer li viv ziska lafen lemonn, osi lontan ki lalin ek soley i briye.

Psonm 72:5 ပူးပေါင်းရင်းမြစ်များ

1 Rwa 3:28

Pep Izrael antye ti antann sa zizman ki lerwa ti'n donnen; zot ti ranpli avek respe pour li. Zot ti rekonnet ki annefe, Bondye in donn li lasazes pour rann lazistis.

Psonm 72:17

Son non ava ganny selebre pour touzour; son repitasyon ava dire pour touzour e bann pep ava pronons son non pour zot beni kanmarad. Tou bann nasyon i deklar li byennere!

Psonm 72:7

Lazistis ava fleri pandan son renny. Lape ava dire osi lontan ki lalin i briye.

Psonm 89:29

Mon pou etabli son desandans pour touzour; e son tronn pou dire osi lontan ki lesyel i egziste.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Danyel 7:27

Rwayote, pouvwar ek grander dan tou bann rwayonm anba lesyel pou ganny donnen dan lanmen pep sen ki pour Bondye Toupwisan. Sa rwayonm pou dire pour touzour, e tou bann pwisans pou servi e obeir li.

Efezyen 3:21

nou rann li glwar dan Legliz, e par Zezi-Kri, dan tou zenerasyon, e pour touzour! Amenn.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

1 Samyel 12:18

Samyel ti priy SENYER. Menm zour, SENYER ti anvoy loraz ek lapli. Tou lepep ti annan gran respe SENYER ek Samyel.