Psonm 72:3 - Labib An Kreol Seselwa

³ Montanny! Anmenn lape pour lepep. Kolin! Anmenn lazistis!

Psonm 72:3 ပူးပေါင်းရင်းမြစ်များ

Psonm 65:12

Bann landrwa ki ti sek i donn bon rekolt; bann kolin i ranpli avek lazwa.

Psonm 72:16

Fer sa pei prodwi en kantite dible e bann kolin ava kouver avek bann zepi e son bann fri ava parey sa bann ki sorti Liban! Fer bann lavil ranpli avek zabitan parey zerb dan laplenn.

Ezai 45:8

Lesyel! Fer tonbe lazistis parey laroze. Bann nyaz ava fer tonbe satiman parey lapli. Later! Ouver e les delivrans fleri e fer bourzonnen lazistis. Mwan SENYER ki'n kree tousala.

Ezai 52:7

Gete koman i zoli lo montanny, lipye sa mesaze ki anons lape, ki anmenn bon nouvel, ki proklanm delivrans, ki dir avek Siyon: Ou Bondye i lerwa!

Ezai 60:17

Mon pou fer vini lor olye bronz, mon pou fer vini larzan olye fer; bronz dan plas dibwa, fer dan plas ros. Mon pou met lape pour vey lo ou, Lazistis, pour diriz ou.

Danyel 9:24

En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.

Zoel 3:18

Sa zour, diven ek dile pou koule sorti lo montanny. Delo pou koule dan tou bann larivyer dan Zida. En sours pou sorti dan tanp SENYER; i pou aroz bann landrwa sek.