Psonm 72:16 - Labib An Kreol Seselwa

¹⁶ Fer sa pei prodwi en kantite dible e bann kolin ava kouver avek bann zepi e son bann fri ava parey sa bann ki sorti Liban! Fer bann lavil ranpli avek zabitan parey zerb dan laplenn.

Psonm 72:16 ပူးပေါင်းရင်းမြစ်များ

1 Rwa 4:20

Zabitan rwayonm Zida ek Izrael ti nonbre koman disab dan bor lanmer. Zot ti annan dekwa pour manze e bwar.

Liv Zob 5:25

Ou pou ganny ankor bokou zanfan, e ou bann pti zanfan pou pouse parey zerb dan laplenn.

Liv Zob 8:7

Sa ki ou ti posede avan pou nanryen ditou, akoz sa ki ou pou gannyen pou bokou plis.

Psonm 104:16

Bann pye dibwa ek bann pye sed Liban ki SENYER in plante i ganny byen aroze.

Psonm 72:6

I ava parey lapli ki tonm lo laplenn, e lapli ki aroz later.

Ezai 29:17

Eski dan en pti pe letan, Liban pa pou vin en plantasyon avek en kantite pye fri; plantasyon pye fri pou vin en lafore?

Ezai 30:23

Alor, i ava fer lapli tonbe lo bann lagrenn ki ou'n senmen e dible ki later ava prodwi ava dan labondans e bon kalite. Sa zour, troupo pou al manz zerb dan bann gran laplenn.

Ezai 32:15

ziska zour Lespri sorti lao dan lesyel ava desann lo nou. Alor, dezer pou vin en plantasyon fri, en verze ki vin parey en lafore.

Ezai 32:20

Dimoun ki'n senmen tou dilon bann larivyer pou ere. Zot bef ek zot bourik pou reste lib.

Ezai 35:2

I pou kouver avek fler. I pou sote, i pou sante e kriye avek lazwa. I pou ganny laglwar Liban ek labote montanny Karmel ek laplenn Saronn. Zot pou war laglwar SENYER, labote e grander nou Bondye.

Zeremi 33:22

Parey i pa posib kont bann zetwal dan lesyel, ni bann gren disab dan lanmer, mon pou osi ogmant desandans mon serviter David e bann desandan Levi ki servi mwan koman pret.

Akt de Zapot 1:15

Dan sa bann zour, pandan ki bann krwayan ti'n reini, apepre 120 dimoun an tou, Pyer ti debout parmi zot. I ti dir,

Akt de Zapot 2:41

Bokou parmi zot ti krwar dan sa mesaz e ti aksepte pour ganny batize. Sa zour la, anviron 3,000 dimoun ti vin zwenn avek zot.

Akt de Zapot 4:4

Me bokou parmi bann ki ti'n antann sa mesaz ti krwar, e lakantite krwayan ti ariv anviron 5,000 zonm.

Revelasyon 7:14

Mon ti reponn li, “Mon senyer! Ou ki konnen.” Alor, i ti dir mwan, “Zot sa bann ki'n pas atraver en gran soufrans. Zot in lav zot rob e blansi li dan disan Zenn Mouton.

Revelasyon 7:9

Apre sa, mon ti regarde e mon ti war en gran lafoul ki personn pa ti kapab konte, sorti dan tou nasyon, tribi, pep ek lalang. Zot ti debout devan tronn e devan Zenn Mouton, abiye dan rob blan, avek brans palm dan lanmen.