Psonm 72:10 - Labib An Kreol Seselwa

¹⁰ Bann lerwa Tarsis ek dan bann zil ava anmenn kado pour li. Bann lerwa Seba ek Saba ava donn li bann lofrann.

Psonm 72:10 ပူးပေါင်းရင်းမြစ်များ

Zenez 10:7

Bann garson Kous: Seba, Havila, Sabta, Rama ek Sabteka. Bann garson Rama: Saba ek Dedann.

1 Rwa 10:1

Larenn Saba ti'n antann koz lo renonmen Salomon akoz non SENYER, i ti vin teste li avek bann kestyon difisil.

1 Rwa 10:10

I ti ofer lerwa trwa tonn edmi lor, en kantite zepis ek pyer presyez. Zot pa ti zanmen ganny otan zepis ki sa ki larenn Saba ti ofer lerwa Salomon.

1 Rwa 10:2

I ti ariv Zerizalenm avek en gran delegasyon, avek samo sarze avek en varyete zepis, en kantite lor, avek bann pyer presyez. Ler i ti ariv kot Salomon, i ti kestyonn li lo tou sa ki i ti mazinen.

1 Rwa 10:25

Sakenn ti anmenn bann kado, bann lobze annarzan oubyen annor, lenz, lamir, zepis, seval ek bourik. Zot ti fer sa tou le zour.

2 Kronik 9:21

Bann bato lerwa Salomon ti al Tarsis avek bann maren lerwa Hiranm. Tou le 3 an, sa bann bato ti retourn avek kargezon lor, larzan, livwar, zako ek pan.

Ester 10:1

Lerwa Zerzes ti etabli en taks lo pei ek bann zil lanmer.

Psonm 45:12

Alor, zabitan Tir! Bann dimoun ki pli ris parmi bann nasyon pou sedwir ou avek toudsort kalite kado.

Psonm 68:29

Kot ou tanp dan Zerizalenm, bann lerwa ava anmenn kado pour ou.

Psonm 68:30

Menas Lezip, ki parey en zannimo sovaz dan lanmar! Menas kont bann nasyon ki parey en troupo toro ek bann zenn toro. Zot ava vin bes zot latet devan ou e ofer ou zot kado. Fer fannen bann pep ki kontan lager!

Ezai 42:10

Sant en nouvo kantik an loner SENYER! Sant son louanz depi dan bout later! Loue li! Zot ki vwayaz lo lanmer e zot zabitan bann zil!

Ezai 42:4

I pa pou dekouraze ni abandonnen, ziska ki i etabli lazistis lo later; bann pei lwenten pe esper son lansennyman.

Ezai 43:3

akoz mwan menm SENYER ou Bondye, Bondye Sen Izrael, ou Sover. Mon'n donn Lezip koman en ranson pour ou delivrans. Mon'n esanz Letyopi ek Seba dan ou plas.

Ezai 43:6

Avek Nor, mon pou dir: Rann zot! Avek Sid: Pa gard zot! Retourn mon bann garson ki dan pei lwenten e mon bann fiy ki dan bout later.

Ezai 49:7

La sa ki SENYER i deklare, Sover Izrael, son Bondye ki Sen, avek sa enn ki ganny meprize, deteste par bann nasyon, lesklav bann dirizan: Ler bann lerwa ava war ou, zot ava debout e bann sef ava prosternen lafas ater. Sa pou arive akoz SENYER i fidel e Sen Izrael, in swazir ou.

Ezai 60:3

Bann nasyon pou mars dan ou lalimyer e bann lerwa dan laklerte sa nouvo zour ki pe leve pour ou.

Ezai 60:6

En kantite samo pou kouver ou teritwar, bann zenn samo sorti Madyann ek Efa; tou bann zabitan ki sorti Saba pou vini. Zot pou anmenn lor ek lansan e zot pou proklanm louanz SENYER.

Ezai 60:9

Zabitan bann zil pou met zot lespwar dan mwan. Bann bato sorti Tarsis, an premye ki pou anmenn ou bann garson ki sorti byen lwen, avek zot kargezon larzan ek lor pour loner non SENYER ou Bondye e pour Bondye Sen Izrael, akoz in glorifye ou.

Matye 2:11

Zot ti antre dan lakaz; zot ti war sa zanfan avek son manman, Mari. Zot ti tonm azenou e ador li. Answit, zot ti ouver zot kof e ofer li bann kado: Lor, lansan ek lamir.