Psonm 71:9 - Labib An Kreol Seselwa

⁹ Pa rezet mwan dan mon vye zour; pa abandonn mwan ler mon nepli annan lafors.

Psonm 71:9 ပူးပေါင်းရင်းမြစ်များ

2 Samyel 19:35

Ozordi mon annan 80 an, mon nepli konnen sa ki bon ek sa ki pa bon. Mon nepli apresye sa ki mon manze ek sa ki mon bwar, ni menm lavwa bann santer ek bann santez. Alor akfer ki mon bezwen donn ou sa traka?

Psonm 71:18

Mon Bondye! Aprezan ki mon'n vye avek seve blan, pa abandonn mwan. Les mwan proklanm ou lafors avek sa zenerasyon e ou pwisans avek zenerasyon fitir.

Psonm 73:26

Mon lekor ek mon leker i'n fatige. Me Bondye i lafors mon leker, mon par patrimwann pour touzour.

Psonm 90:10

Nou lavi i dir zis pour 70 an, parfwa 80 an pour bann ki pli for; me nou konn zis traka ek lapenn; zot pas vit e nou anvole.

Ezai 46:4

Mon pou reste parey ziska ler zot vye; mon pou soutenir ou, menm ziska ler ou ganny seve blan. Mon'n fer li e mon pou kontinyen fer li; mwan menm ki pou soutenir ou e delivre ou.

2 Timote 1:12

Pour sanmenm sa rezon ki mon pe soufer. Me mon pa onte, akoz mon konnen dan ki mon'n met mon konfyans. Mon osi sir ki i kapab gard sa ki i'n konfye mwan ziska sa Zour.

2 Timote 4:18

Senyer pou delivre mwan dan tou latak visye. I pou sov mwan pour son rwayonm dan lesyel. Laglwar i pour Bondye pour touzour e touzour! Amenn.