Psonm 71:22 - Labib An Kreol Seselwa

²² Mon pou loue ou avek laarp. Mon Bondye! Mon pou sant ou fidelite. Mon pou zwe lanmizik pour ou, Bondye Sen pep Izrael.

Psonm 71:22 ပူးပေါင်းရင်းမြစ်များ

2 Rwa 19:22

Lekel ki ou'n ensilte e meprize? Kont lekel ki ou'n lev ou lavwa e lev en regar ensolan Kont Bondye Sen Izrael!

Psonm 138:2

Mon prosternen ver ou tanp e mon selebre ou non akoz ou fidelite ek ou lanmour, akoz ou'n akonpli plis ki sa ki ou ti'n promet.

Psonm 144:9

Mon pou sant en nouvo kantik pour ou, mon Bondye; mon pou zwe pour ou lo laarp dis lakord.

Psonm 25:10

Dan tou son santye, SENYER i montre fidelite ek lwayote anver tou bann ki gard son lalyans ek son bann regleman.

Psonm 33:2

Zwe lanmizik pour loue SENYER! Loue li lo laarp dis lakord!

Psonm 43:4

Alor, mon pou al kot lotel Bondye, ver mon Bondye ki donn mwan lazwa e rann mwan ere. Mon pou loue li avek laarp, li, Bondye, mon Bondye!

Psonm 56:4

Mon loue Bondye akoz son parol. Mon met mon konfyans dan li; mon pa per. Ki en imen i kapab fer mwan?

Psonm 78:41

Plizyer fwa zot ti teste Bondye e ofans Bondye Sen Izrael.

Psonm 89:1

SENYER! Mon pou touzour sant ou fidelite. Mon pou proklanm ou bonte dan tou zenerasyon.

Psonm 89:18

SENYER i nou protekter; li menm ki Sen dan Izrael, li menm nou lerwa.

Psonm 98:3

I rapel son fidelite ek son lanmour anver pep Izrael. Tou bann nasyon lo later in war bann laviktwar nou Bondye.

Psonm 98:4

Tou bann zabitan later! Kriy zot lazwa pour SENYER. Kriy zot lazwa e sante.

Psonm 98:5

Loue SENYER avek lenstriman dis lakord e avek laarp zwe bann zoli melodi.

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Ezai 43:3

akoz mwan menm SENYER ou Bondye, Bondye Sen Izrael, ou Sover. Mon'n donn Lezip koman en ranson pour ou delivrans. Mon'n esanz Letyopi ek Seba dan ou plas.

Ezai 5:16

Me, SENYER liniver pou ganny glorifye akoz i zis; Bondye sen ava montre ki i sen par lazistis.

Ezai 5:19

Zot dir: Depese SENYER, akoz nou anvi war sa. Proze Bondye sen Izrael pa pou tarde pour ganny akonpli! Nou oule war sa arive.

Ezai 5:24

Pour sa rezon, parey dife i devor lapay e zerb sek i disparet dan laflanm, zot pou pouri par zot rasin, e zot bann fler pour vin lapousyer, akoz zot in rezet lansennyman SENYER liniver e zot in mepriz Parol Bondye Sen Izrael.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 60:9

Zabitan bann zil pou met zot lespwar dan mwan. Bann bato sorti Tarsis, an premye ki pou anmenn ou bann garson ki sorti byen lwen, avek zot kargezon larzan ek lor pour loner non SENYER ou Bondye e pour Bondye Sen Izrael, akoz in glorifye ou.

Mise 7:20

Ou pou montre ou fidelite anver Zakob e ou lanmitye anver Abrahanm, avek ki otrefwa, par en serman, ou ti promet nou bann zanset.

Romen 15:8

Annefe, mon dir zot ki Kris in fer li serviter bann Zwif pour akonplir bann promes ki Bondye i'n fer avek zot bann zanset, bann patriars. Ensi, in montre ki Bondye i fidel.