Psonm 71:20 - Labib An Kreol Seselwa

²⁰ Menm si ou'n fer mwan konn maler ek soufrans, ou pou redonn mwan lavi; ou pou fer mwan remonte, sorti dan profonder later.

Psonm 71:20 ပူးပေါင်းရင်းမြစ်များ

2 Samyel 12:11

La sa ki SENYER i deklare: Mon pou anvoy maler lo ou, sorti dan ou prop fanmir; mon pou aras ou, ou bann fanm devan ou prop lizye, e mon pou donn avek enn ou fanmir pros ki ava dormi avek zot an plen zour.

Psonm 119:25

Mon pe trennen dan lapousyer. Fer mwan reviv dapre ou parol.

Psonm 138:7

Menm si mon viv dan milye maler, ou protez mon lavi; ou lev ou lanmen kont lakoler mon bann lennmi e ou lanmen drwat i delivre mwan.

Psonm 16:10

Ou pa pou abandonn mwan dan lemonn lanmor. Ou pa pou les ou zanmi fidel fini dan lafos.

Psonm 60:3

Ou'n fer ou pep soufer dan letan dir. Ou'n fer nou bwar diven ki'n soul nou.

Psonm 60:5

Par ou pwisans, donn nou laviktwar; reponn nou e delivre bann ki ou kontan.

Psonm 80:18

Alor, zanmen nou pou kit ou ankor. Fer nou reviv e nou ava glorifye ou non.

Psonm 85:6

Eski ou pa pou fer nou reviv e fer ou pep retrouv son lazwa?

Psonm 86:13

Ou fidelite anver mwan i vreman gran; ou'n sov mwan dan profonder lanmor.

Psonm 95:4

I tenir bann profonder later dan son lanmen; bann latet montanny i osi pour li.

Ezai 26:19

Ou bann mor pou reviv, zot pou leve. Zot ki pe dormi dan lapousyer! Leve dan lazwa! Akoz ou laroze pou briye e later ava redonn lavi bann ki'n mor.

Ezai 38:17

Mon lanmertim ti sirman pour mon prop boner ki mon ti dan latristes. Dan ou lanmour pour mwan, ou'n anpes mwan tonm dan lafos destriksyon; ou'n zet mon bann pese lwen deryer ou.

Zonas 2:6

Mon ti desann kot montanny i pran son rasin, dan profonder lemonn lanmor kot laport ti ferm lo mwan pour touzour. Me ou, SENYER, mon Bondye, ou'n tir mwan vivan dan profonder lanmor.

Mark 15:34

Ver 3 er, Zezi ti kriy avek en lavwa for: Eloi, Eloi, lama sabaktani? Savedir: Mon Bondye! Mon Bondye! Akoz ou'n abandonn mwan?

Akt de Zapot 2:24

Me Bondye ti resisit li, e delivre li dan soufrans lanmor. Annefe ti enposib pour lanmor gard li anba son pouvwar.

Efezyen 4:9

Alor ki savedir: I ti monte? Savedir ki dabor i ti desann dan profonder later.

Revelasyon 7:14

Mon ti reponn li, “Mon senyer! Ou ki konnen.” Alor, i ti dir mwan, “Zot sa bann ki'n pas atraver en gran soufrans. Zot in lav zot rob e blansi li dan disan Zenn Mouton.

1 Samyel 2:6

SENYER i donn lanmor e i fer reviv; I fer desann dan latonm e fer remonte.