Psonm 71:16 - Labib An Kreol Seselwa

¹⁶ Mon pou vin rakont bann mervey ki Senyer mon BONDYE in fer. Mon pou proklanm ou lazistis, selman ou lazistis.

Psonm 71:16 ပူးပေါင်းရင်းမြစ်များ

Psonm 106:2

Lekel ki kapab rakont tou bann mervey ki i'n fer? Lekel ki kapab fini loue li?

Psonm 29:11

SENYER pou donn son pep lafors. SENYER pou beni son pep e donn li lape.

Psonm 51:14

Mon Bondye! Sov mon lavi. Mon Bondye! Ou menm mon liberater. Alor, dan lazwa, mon ava proklanm ou delivrans.

Psonm 71:15

Mon pou rakont bann gran keksoz ki ou'n fer. Tou le zour, mon pou fer konnen koman ou'n sov nou. I annan sitan bokou, ki mon pa pou kapab rakont tou.

Psonm 71:19

Mon Bondye! Ou lazistis i sitan gran ki i tous lesyel. Mon Bondye! Ou'n fer telman gran mervey! Mon Bondye! Lekel ki parey ou?

Psonm 71:2

Dan ou lazistis, delivre mwan e sov mwan! Ekout mwan! Vin delivre mwan.

Psonm 71:24

Tou le zour, mon pou rakont ou lazistis, akoz sa bann ki ti oule fer mwan ditor, in ganny kouver avek laont ek dezoner.

Ezai 26:13

SENYER nou Bondye! Apard ou, bokou sef in domin nou; me nou rekonnet zis ou koman SENYER.

Ezai 40:31

Me sa bann ki met zot konfyans dan SENYER ava reganny zot lafors; zot ava anvole parey en leg; zot ava taye, me zanmen fatige; zot ava marse san rente.

Ezai 63:7

Mon pou rakont bann byenfe ki SENYER in fer, bann aksyon SENYER ki merit ganny loue: Pour tou sa ki SENYER in fer pour nou; dan son gran konpasyon ki i'n montre pour Izrael, dan labondans son gran fidelite.

Zakari 10:12

Zot pou met zot lafors dan SENYER e zot pou mars anba son non. SENYER ki deklare.

Matye 6:33

Rod plito Rwayonm Bondye ek son lazistis, e li menm i ava donn zot leres ki zot bezwen.

Romen 1:17

Annefe, Bonn Nouvel i revele koman Bondye i rann bann imen zis devan li: Sa i selman par lafwa depi konmansman ziska lafen, parey Lekritir i deklare: Sa enn ki zis, pou viv par lafwa.

Romen 10:3

Dan zot linyorans lazistis Bondye, zot in esey rod fason pour etablir zot prop lazistis. Zot in refize soumet zot anba lazistis Bondye.

Romen 3:21

Me aprezan, Bondye in montre ki mannyer i rann nou zis devan li, san lentervansyon Lalwa Moiz. Lekritir ek bann profet in deza koz lo sa size:

Efezyen 3:16

Mon priy Bondye ki, dan larises son laglwar, i fortifye zot par pwisans son Lespri,

Efezyen 6:10

Anfen, pran ou lafors dan linyon avek Senyer e dan son gran pwisans.

Deterononm 33:25

Ou annan bann baro an fer e an bronz. I ava an sekirite tou son lavi.

Filipyen 3:9

e vin konpletman ini avek li. Pa lobeisans Lalwa ki rann mwan zis, me lafwa dan Kris. Bondye ki rann mwan zis e i rann zis sa enn ki krwar dan li.

Filipyen 4:13

Mon kapab fer fas avek tou difikilte gras a Kris ki donn mwan lafors.

2 Tesalonisyen 1:6

Annefe, Bondye i zis. I pou fer soufer bann ki'n fer zot soufer.

2 Timote 2:1

Alor ou, mon garson, pran ou lafors dan lagras ki sorti kot Zezi-Kri.