Psonm 70:2 - Labib An Kreol Seselwa

² Kouver sa bann ki oule touy mwan avek laont ek konfizyon. Fer rekile avek dezoner sa bann ki swet mon maler.

Psonm 70:2 ပူးပေါင်းရင်းမြစ်များ

Psonm 109:29

Fer ki mon bann akizater i ganny dezonore. Ki zot ganny kouver ek laont, parey en lenz.

Psonm 141:1

SENYER! Mon apel ou. Vin vit kot mwan. Ekout mwan kan mon apel ou.

Psonm 22:12

Mon bann lennmi, bann toro, in antour mwan; bann toro ki sorti Basann in anserkle mwan.

Psonm 22:20

Delivre mwan dan lanmor vyolan; sov mwan dan grif bann lisyen.

Psonm 35:26

Fer sa bann ki kontan mon maler kanmi e onte. Ki sa bann ki montre larogans i ganny kouver avek laont ek dezoner.

Psonm 35:4

Kouver sa bann ki oule touy mwan avek laont ek dezoner. Fer sa bann ki pe fer konplo kont mwan rekile e kanmi.

Psonm 40:14

Fer onte bann ki esey touy mwan. Fer rekile e met dan konfizyon tou bann ki rod mon maler.

Psonm 6:10

Tou mon bann lennmi pou onte e zot pou per; zot pou rekile, en sel kou, kouver avek laont.

Psonm 71:12

Mon Bondye! Pa reste lwen avek mwan. Mon Bondye! Vit, vin delivre mwan.

Psonm 71:13

Fer dimoun ki akiz mwan tonbe e ganny kouver ek laont; e sa bann ki rod mon maler tonm dan dezoner ek imilyasyon!

Ezai 28:13

Alor, SENYER pou ansenny laliny apre laliny, laliny apre laliny, en pe isi, en pe laba. Konmsa, zot ava marse, tonm par ledo e kas zot lezo; zot ava ganny atrape e ganny fer prizonnyen.

Ezai 41:11

Tou bann ki fase avek ou pou ganny kouver avek laont ek imilyasyon. Tou bann ki pe rod fer lager kont ou pou ganny detri e disparet.

Levanzil dapre Zan 18:6

Kan Zezi ti dir zot: Mwan menm, zot ti rekile e tonm ater.