Psonm 7:7 - Labib An Kreol Seselwa

⁷ Tou bann pep lo later ava antour ou. Depi lo ou tronn lao, diriz ou pep.

Psonm 7:7 ပူးပေါင်းရင်းမြစ်များ

Psonm 138:6

Menm si SENYER i lao dan lesyel, i pran ka avek bann ki pli mizerab e i rekonnet bann arogan depi byen lwen.

Psonm 35:23

Leve SENYER! Vin defann mon drwa. Debout mon SENYER, mon Bondye! Vin defann mwan.

Psonm 43:1

Mon Bondye! Rann lazistis. Defann mon drwa kont sa pep enfidel. Vin delivre mwan kont bann manter ek bann malfeter!

Psonm 48:11

Montanny Siyon i dan lazwa, bann lavil Zida i selebre, akoz ou bann zizman.

Psonm 59:5

Ou SENYER, Bondye liniver, ou menm Bondye Izrael! Leve pour pini tou bann nasyon. Pa pran pitye pour okenn sa bann tret.

Psonm 93:4

Dan lesyel lao, SENYER i pli pwisan ki tapaz bann losean. I pli pwisan ki bann laroul dan lanmer.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Revelasyon 18:20

Lesyel! Rezoui lo son larin! Zot osi, pep Bondye, bann zapot, ek bann profet! Rezoui! Bondye in ziz li pour sa ki i'n fer zot.

Revelasyon 19:2

Son zizman i vre e zis! I'n ziz sa gran prostitye ki'n ranpli later avek koripsyon ek son prostitisyon. Bondye in vanz disan son bann serviter ki zot i'n touye.