Psonm 7:12 - Labib An Kreol Seselwa

¹² Lennmi i rekonmanse, i fit son lepe. I redi son lark e met li pare.

Psonm 7:12 ပူးပေါင်းရင်းမြစ်များ

Zenez 18:25

Ou pa kapab detri bann zis ansanm avek bann koupab. Sa enn ki zis pa kapab annan menm sor avek sa enn ki koupab! Eski menm bann ziz sa later antye pa pou azir dapre lazistis?”

Psonm 129:4

Me SENYER i zis. I'n koup lakord ki bann malfeter ti'n anmar mwan avek.

Psonm 85:4

Bondye nou Sover! Retabli nou. Renons ou lakoler kont nou.

Psonm 9:5

Ou'n kraz bann nasyon etranze; ou'n detri bann malfeter e zot non in ganny efase pour touzour.

Ezai 27:1

Sa zour, avek son gran lepe byen fite, dir e pwisan, SENYER pou entervenir kont Leviatan, sa serpan ki anvole; Leviatan, sa serpan rize. I pou touy sa dragon ki reste dan lanmer.

Ezai 34:5

Mon lepe in aparet dan lesyel; i pou desann lo bann Edomit, lo sa pep ki mon'n kondannen pour destriksyon.

Ezekyel 18:30

Alor, pep Izrael! Mon pou ziz sakenn dapre son prop aksyon, Senyer BONDYE i deklare. Sanz ou lavi e abandonn ou bann move mannyer fer. Pa les ou pese detri ou.

Ezekyel 21:23

Pour zabitan Zerizalenm, sa i en desizyon par azar san valer; zot in ganny promet proteksyon. Me lerwa Babilonn i rapel ki akoz zot in kas zot promes, i pou pran zot prizonnyen.

Ezekyel 33:11

Osi vre ki mwan Senyer BONDYE, mon vivan, mon pa anvi ki en peser i mor, me sa ki mon anvi war, se ki i sanz son move konportman e ki i viv. Pep Izrael! Sanze, sanz ou move lavi. Pour ki rezon ou devre mor?

Matye 3:10

Konmela menm, lars in pare la obor rasin bann pye dibwa. Tou pye dibwa ki pa raport bon fri, pou ganny koupe e zet dan dife.

Akt de Zapot 3:19

Donk, sanz zot mannyer viv e retourn ver Bondye pour ki i pardonn zot, zot pese.

Deterononm 32:41

si mon fit mon lepe klate e mon lanmen i pronons zizman, mon pou vanz mon bann ladverser e pey an retour sa bann ki ay mwan.