Psonm 7:1 - Labib An Kreol Seselwa

¹ SENYER, mon Bondye! Mon vin pran refiz kot ou. Sov mwan! Delivre mwan avek mon bann persekiter,

Psonm 7:1 ပူးပေါင်းရင်းမြစ်များ

Psonm 11:1

SENYER i mon labri. Ki mannyer ou kapab dir mwan: Sov dan montanny parey en zwazo?

Psonm 13:3

SENYER, Mon Bondye! Regard mwan. Reponn mwan. Vin ekler mwan. Pa les mwan al dormi dan lanmor,

Psonm 13:5

Me mwan, mon'n met mon konfyans dan ou fidelite. Mon leker i kontan akoz ou'n delivre mwan.

Psonm 18:2

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Psonm 18:28

SENYER! Mon Bondye! Ou ki alim mon lalanp. Ou menm mon lalimyer kan mon dan fernwanr.

Psonm 25:2

Mon Bondye! Mon'n fer ou konfyans; pa tronp mwan. Pa les mon bann lennmi ganny laviktwar.

Psonm 26:1

SENYER! Deklar mwan inosan. Mon'n anmenn en lavi san repros. Mon'n met mon konfyans dan SENYER. Mon pa pou tonbe.

Psonm 3:7

Leve SENYER! Mon Bondye! Sov mwan. Ou kalot mon bann lennmi lo zot lazou; ou kas ledan mon bann malfeter.

Psonm 30:12

Alor, mon pou sante e mon pa pou gard silans. SENYER, mon Bondye! Mon pou touzour loue ou.

Psonm 30:2

SENYER, mon Bondye! Mon ti kriy ver ou e ou'n geri mwan.

Psonm 31:15

Mon bann zour i dan ou lanmen. Delivre mwan dan lanmen mon bann lennmi ki persekit mwan.

Psonm 32:10

Bann malfeter pou konn bokou soufrans. Me fidelite SENYER i antour sa enn ki met son konfyans dan li.

Psonm 43:4

Alor, mon pou al kot lotel Bondye, ver mon Bondye ki donn mwan lazwa e rann mwan ere. Mon pou loue li avek laarp, li, Bondye, mon Bondye!

Psonm 89:26

I pou dir mwan: Ou menm mon Papa, mon Bondye e sa Ros ki sov mwan!

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

Zeremi 15:15

Zeremi ti dir SENYER: Ou konn tou! Pa oubliy mwan, vin sekour mwan SENYER. Vanz dan mon plas mon bann lennmi ki persekit mwan. Pa pran bokou pasyans avek zot, sankwa zot ava ganny letan touy mwan. Akoz ou ki mon siport sa bann lensilt.

Zeremi 20:11

Me SENYER i avek mwan; e i konbat pour mwan avek pwisans. Sa bann ki fer mwan dimal pou tonbe, zot pa pou kapab fer nanryen kont mwan. Zot pou ganny kouver avek laont, akoz zot pa pou kapab reisi kont mwan. Personn pa pou oubliye koman zot ti ganny dezonore pour touzour.

Zeremi 31:18

Mon'n antann konplent pep Efraim: Ou'n koriz nou severman parey en zenn toro sovaz i ganny drese. Fer nou retourn ver ou, akoz nou'n pare pour retourn kot ou, akoz zis ou SENYER, ki nou Bondye.

Danyel 9:4

Mon ti priy SENYER, mon Bondye, e mon ti fer sa konfesyon: Senyer, Bondye gran e terib! Ou ki gard ou lalyans ek ou fidelite anver bann ki kontan ou e ki gard ou bann komannman!

Habakouk 3:1

Lapriyer profet Habakouk dan laform en kantik dey.

Zakari 14:5

Alor, zot pou sove an pasan par vale montanny SENYER, akoz vale sa bann montanny pou al ziska Asal. Zot pou taye parey ler zot ti fer pour sov tranblemandter dan letan Ozyas, lerwa Zida. Apre sa, SENYER mon Bondye pou arive avek tou son bann lanz ki servi li.

Zozye 14:8

Mon bann frer ki ti'n mont avek mwan ti dekouraz lepep. Me mwan, mon ti obei SENYER, nou Bondye avek tou mon leker.

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

1 Pyer 4:19

Alor, bann ki soufer dapre lavolonte Bondye, zot devre kontinyen fer sa ki byen, e met zot konfyans konpletman dan lavolonte Kreater ki touzour gard son promes.