Psonm 69:26 - Labib An Kreol Seselwa

²⁶ Annefe, zot pe persekit sa bann ki ou'n deza pini; zot kont bann kou ki i'n gannyen.

Psonm 69:26 ပူးပေါင်းရင်းမြစ်များ

2 Kronik 28:9

En profet ki ti apel Oded, ti al zwenn larme ki ti pe retourn Samari. I ti dir zot, “SENYER, Bondye ou bann zanset, dan son lakoler kont zabitan Zida in abandonn zot dan ou lanmen. Me ou'n masakre zot avek telman vyolans ki menm lesyel in pran sa an kont.

Liv Zob 30:13

Zot bar mwan lo tou kote; zot fer tou pour detri mwan e personn pa anpes zot.

Psonm 109:16

Annefe, sa dimoun pa'n zanmen mazin fer sa ki byen, me in persekit dimoun ki pov, ki dan bezwen e bann malere ziska lanmor.

Ezai 53:10

Me SENYER ti trouv bon kraz li par lasoufrans. I'n fer li vin en sakrifis pour reparasyon bann fot. I ava viv lontan e i ava war son bann desandans. Par li, SENYER ava akonpli son lavolonte.

Ezai 53:4

Sepandan, nou soufrans ki i ti pe siporte, nou bann douler ki i ti pe anmennen; nou mazinen ki i ti'n ganny pini, tape avek fleo par Bondye.

Zakari 1:15

Me mon tre ankoler kont bann nasyon ki krwar zot dan byen: Kan mon pa ti tro ankoler kont zot, zot in ogmant zot maler.

Zakari 13:7

La sa ki SENYER liniver i deklare: Lepe! Leve kont mon berze, kont mon zanmi pros. Atak berze pour dispers bann mouton; mon lanmen pou atak bann ki pti.

1 Tesalonisyen 2:15

Sa bann dimoun ki'n met anmor Senyer Zezi ek bann profet, zot in osi persekit nou. Sa pa'n fer plezir Bondye. Pour sa rezon, zot in vin lennmi tou dimoun.