Psonm 69:21 - Labib An Kreol Seselwa

²¹ Zot donn mwan pwazon pour manze. Ler mon ti swaf, zot ti donn mwan vineg pour bwar.

Psonm 69:21 ပူးပေါင်းရင်းမြစ်များ

Eklezyas 4:1

Mon'n war tou bann eksplwatasyon imen ki egziste anba soley. Kriye bann ki ganny kraze e napa personn pour ed zot. Pouvwar i dan kote bann ki pe dominen e napa personn pour sekour zot

Zeremi 23:15

Alor, la sa ki SENYER liniver i deklare konsernan sa bann profet: Mon pou fer zot manz margoz anmer e bwar delo anpwazonnen. Akoz sa bann profet Zerizalenm, ki pei antye in ganny profannen.

Zeremi 8:14

Lepep i demande: Akoz nou reste la, san nanryen fer? Annou regroup nou dan bann lavil fortifye e esper lanmor pran nou. SENYER, nou Bondye in deside les nou mor. In donn nou delo anpwazonnen pour bwar, akoz nou'n fer pese kont li.

Zeremi 9:15

Alor, ekout byen sa ki mwan, SENYER liniver, Bondye Izrael, mon pou fer: Mon pou donn sa pep en plant anmer pour li manze e delo anpwazonnen pour li bwar.

Lamantasyon 1:2

I plere tou lannwit, larm i koule lo son lazou. Tou sa bann ki ti kontan li in abandonn li; napa personn pour konsol li. Tou son bann zanmi in trai li; zot in vin son lennmi.

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Matye 27:34

Zot ti ofer Zezi diven melanze avek fyel. Me ler Zezi ti goute, i pa ti oule bwar.

Matye 27:48

Enn parmi zot, ti taye e al tranp en leponz dan vineg ki i ti met lo bout en baton e donn Zezi pour bwar.

Mark 15:23

Zot ti ofer Zezi diven melanze avek lamir; me i ti refize bwar.

Mark 15:36

Enn parmi zot ti taye, tranp en leponz dan vineg, met lo bout en golet e donn li pour bwar. Me lezot ti dir, “Espere! Annou gete si Eli pou vin tir li la.”

Levanzil dapre Lik 23:36

Bann solda osi ti monk li e ofer li vineg. Zot ti dir,

Deterononm 29:18

I pa sipoze annan parmi zot en zonm, en fanm, en fanmir, en tribi, ki son leker in detourn kont SENYER, nou Bondye, pour al servi bann bondye sa bann nasyon. I pa devre annan parmi zot, rasin en plant ki prodwir en pwazon anmer.