Psonm 69:2 - Labib An Kreol Seselwa

² Mon pe anfons dan labou, mon napa en landrwa solid pour mwan poz mon lipye. Mon pe anfons dan kre e kouran pe anmenn mwan.

Psonm 69:2 ပူးပေါင်းရင်းမြစ်များ

Liv Zob 22:11

Fernwanr in anvai ou e ou pa war kler; ou pe noye dan gro laroul maler.

Psonm 32:6

Alor, sa enn ki fidel anver ou, ava priy ou dan letan bezwen. Menm si bann gran delo i deborde, zot pa pou ariv kot li.

Psonm 40:2

I'n tir mwan dan dezespwar lanmor, dan labou san fon. I'n met mwan debout lo en ros; i'n fer mon lipye vin for.

Zeremi 38:22

Tou bann fanm ki'n reste dan pale lerwa Zida pou ganny anmennen kot bann zofisye lerwa Babilonn. La sa ki zot pou dir lo ou: Ou bann meyer zanmi dan ki ou ti annan konfyans in tronp ou; zot in bat ou latet. La ki ou lipye in anfons dan labou ou bann zanmi in abandonn ou.

Zeremi 38:6

Alor, zot ti pran Zeremi e zet li dan en sitern sitye dan lakour pale e ki ti pou Malkiya, garson lerwa. Zot ti fil li dan sitern avek en lakord. Ti napa delo dan sa sitern, me labou. Alor Zeremi ti anfonse dan labou.

Zonas 2:6

Mon ti desann kot montanny i pran son rasin, dan profonder lemonn lanmor kot laport ti ferm lo mwan pour touzour. Me ou, SENYER, mon Bondye, ou'n tir mwan vivan dan profonder lanmor.

Matye 7:25

Lapli i tonbe, larivyer i deborde, e divan i soufle lo sa lakaz. Me i pa tonbe, akoz i'n ganny konstri lo ros.