Psonm 69:13 - Labib An Kreol Seselwa

¹³ SENYER! Mwan, mon adres ou mon lapriyer. Mon Bondye! Reponn mwan dan ou letan favorab. Dan labondans ou fidelite, reponn mwan, ou ki vreman mon Sover.

Psonm 69:13 ပူးပေါင်းရင်းမြစ်များ

Zenez 24:27

I ti dir, “Mon remersye, SENYER, Bondye mon met, Abrahanm! I'n touzour montre son gran bonte ek fidelite anver mon met. SENYER in diriz mwan kot lakaz bann fanmir mon met.”

Ester 5:2

Ler i ti war larenn Ester pe debout dan lakour, sa ti fer li gran plezir; i ti prezant Ester son baton annor ki ti dan son lanmen. Ester ti aprose e tous bout sa baton.

Ester 5:6

Pandan ki zot ti pe bwar diven, lerwa ti dir Ester, “Sa ki ou demande pour ganny akorde. Ki reket ou annan, ou ava gannyen menm ziska lanmwatye mon rwayonm.”

Ester 7:2

Dezyenm zour, letan zot ti pe bwar diven, lerwa ti demann Ester ankor en fwa, “Larenn Ester! Demann mwan sa ki ou anvi, i ava ganny akorde. Ki ou reket? Menm si ou demann ziska lanmwatye mon rwayonm i ava ganny akorde.”

Psonm 32:6

Alor, sa enn ki fidel anver ou, ava priy ou dan letan bezwen. Menm si bann gran delo i deborde, zot pa pou ariv kot li.

Psonm 51:1

Mon Bondye! Dan ou gran fidelite, pran pitye pour mwan. Dan ou gran konpasyon, efas mon pese!

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Psonm 98:3

I rapel son fidelite ek son lanmour anver pep Izrael. Tou bann nasyon lo later in war bann laviktwar nou Bondye.

Ezai 49:8

La sa ki SENYER i deklare: Dan letan favorab, mon ti reponn ou. Zour delivrans, mon ti sekour ou; mon'n gard ou pour fer ou vin en lalyans pour lepep, pour ou relev sa pei e partaz bann patrimwann ki'n reste abandonnen;

Ezai 55:6

Rod SENYER letan zot ankor kapab trouv li, apel li letan i lanmenm pros.

Lamantasyon 3:63

Depi bomaten ziska aswar, zot fer sanson lo mwan.

Mise 7:20

Ou pou montre ou fidelite anver Zakob e ou lanmitye anver Abrahanm, avek ki otrefwa, par en serman, ou ti promet nou bann zanset.

Levanzil dapre Lik 1:72

In montre son bonte anver nou bann zanset e i pa'n oubliy son lalyans sen.

Levanzil dapre Lik 22:44

Akoz i ti dan langwas, Zezi ti priy plis ankor; son transpirasyon ti tonm ater parey gro gout disan.

2 Korentyen 6:2

Annefe, Bondye i deklare: Dan letan favorab, mon ti ekout ou. Zour delivrans, mon ti sekour ou. Annefe, ozordi i sa letan favorab, ozordi i sa zour delivrans.

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.

1 Pyer 2:23

Kan zot ti ensilte li, i pa ti reponn par lensilt. Dan son soufrans, i pa'n fer okenn menas; me i ti met tou dan lanmen Bondye ki rann lazistis.

1 Samyel 25:8

Demann ou bann serviter e zot ava dir ou. Mon demann ou tret byen mon bann zonm, akoz nou'n vin dan en zour lafet. Alor, donn ou bann serviter ek ou garson David, tou sa ki ou kapab poz lanmen lo la.