Psonm 69:1 - Labib An Kreol Seselwa

¹ Mon Bondye! Sov mwan. Delo in mont ziska mon likou.

Psonm 69:1 ပူးပေါင်းရင်းမြစ်များ

Liv Zob 22:11

Fernwanr in anvai ou e ou pa war kler; ou pe noye dan gro laroul maler.

Psonm 18:4

Lemonn lanmor ti'n antortiy mwan; bann gro laroul destriksyon ti fer mwan per.

Psonm 32:6

Alor, sa enn ki fidel anver ou, ava priy ou dan letan bezwen. Menm si bann gran delo i deborde, zot pa pou ariv kot li.

Psonm 42:7

Ou fer ronfle bann toran; en laroul i swiv en lot laroul; ou fer zot kraz mwan. Zot tou, zot in pas lo mwan.

Psonm 45:1

Mon leker i deborde avek zoli parol. Mon dedye mon poenm pour lerwa. Mon lalang i parey plim en bon poet.

Psonm 60:1

Mon Bondye! Ou'n rezet nou. Ou'n senm dezord parmi nou. Ou'n ankoler kont nou. Me aprezan, retabli nou.

Psonm 69:2

Mon pe anfons dan labou, mon napa en landrwa solid pour mwan poz mon lipye. Mon pe anfons dan kre e kouran pe anmenn mwan.

Psonm 80:1

Berze Izrael ki gid bann desandan Zozef parey en troupo! Ekoute. Ou ki lo tronn par lao bann seriben, montre ou laglwar

Ezai 28:17

Mon pou fer lalwa vin lareg, lazistis en filaplon. Lagrel pou balye zot lakaz mansonz e delo pou trenn zot labri.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Lamantasyon 3:54

Ler delo ti mont par lao mon latet, mon ti dir: Mon pe noye.

Revelasyon 17:15

Lanz ti dir mwan ankor: Losean kot ou ti war sa fanm prostitye pe asiz lo la, se bann pep, bann lafoul dimoun, bann nasyon ek bann lalang.