Psonm 68:4 - Labib An Kreol Seselwa

⁴ Sant pour Bondye! Loue son non par bann kantik! Sant en kantik pour sa enn ki vini dan nyaz lo son kales. SENYER i son non. Selebre avek lazwa devan li!

Psonm 68:4 ပူးပေါင်းရင်းမြစ်များ

Psonm 104:3

In poz fondasyon son gran demer lo delo. I fer nyaz vin son kales; i avans lo lezel divan.

Psonm 16:11

Ou fer mwan konn semen lavi. I annan labondans lazwa dan ou prezans. Pre avek ou, lakontantman pa zanmen fini.

Psonm 18:10

I ti mont lo en seriben e i ti anvole. I ti plannen lo lezel divan.

Psonm 5:12

SENYER! Ou beni sa enn ki zis. Ou lanmour i protez li parey en boukliye.

Psonm 66:2

Sant laglwar son non! Rann li glwar!

Psonm 66:4

Tou dimoun lo later i ador ou; zot sant an ou loner; zot sant an loner ou non.

Psonm 67:4

Bann nasyon i rezoui e sante dan lazwa, akoz ou gouvern bann pep avek lazistis e ou gid bann nasyon lo later.

Psonm 68:33

Atraver lesyel lo son kales, i fer tande son lavwa pwisan.

Psonm 83:18

Konmsa, zot ava konnen ki ou menm sel SENYER, Bondye Treo, lo later antye.

Psonm 97:11

En lalimyer pe leve pour sa enn ki obei Bondye; lazwa i ranpli leker sa enn ki pir.

Egzod 3:14

Bondye ti dir Moiz, “Mwan menm Sa Enn ki la depi touzour. Dir bann Izraelit: Sa Enn ki egziste depi touzour in anvoy mwan kot zot.”

Egzod 6:3

Mon ti aparet avek Abrahanm, Izaak ek Zakob koman Bondye Toupwisan, me mon pa ti fer zot konn mwan par mon non: SENYER.

Egzod 6:8

Mon pou fer zot antre dan sa pei ki mon ti fer serman pour donn Abrahanm, Izaak ek Zakob: Mwan SENYER, mon pou donn zot sa later pour zot posesyon.”

Proverb 10:28

Lespwar sa enn ki zis i donn li lazwa; me lespwar en malfeter i fini dan nanryen.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Ezai 40:3

En lavwa i kriye: Prepar en semen dan dezer pour SENYER; nivle en larout pour nou Bondye.

Ezai 62:10

Zabitan Zerizalenm! Travers bann laport lavil! Degaz semen pour lepep. Nivle larout! Repar semen; tir tou ros; lev bannyer pour bann pep!

Deterononm 33:26

Moiz ti dir ankor: Yesouroun! Personn pa parey Bondye. I travers bann nyaz pour li vin sekour ou.