Psonm 68:34 - Labib An Kreol Seselwa

³⁴ Proklanmen ki Bondye i pwisan; i gouvern Izrael; i montre son pwisans dan lesyel.

Psonm 68:34 ပူးပေါင်းရင်းမြစ်များ

Psonm 150:1

Loue SENYER! Loue Bondye dan son sanktyer! Loue li dan son gran lesyel!

Psonm 29:4

Lavwa SENYER i rezonn avek gran pwisans. Lavwa SENYER i ranpli avek mazeste.

Deterononm 33:26

Moiz ti dir ankor: Yesouroun! Personn pa parey Bondye. I travers bann nyaz pour li vin sekour ou.

Deterononm 33:27

Bondye ki egziste dan tou letan i en labri; depi touzour son pwisans i gran. I ti sas lennmi devan ou. I ti dir: Detri zot!

2 Pyer 1:17

Annefe, i ti resevwar loner ek laglwar sorti kot Bondye, son Papa, kan i ti antann sa lavwa sorti dan laglwar siprenm: Sa i mon Garson byenneme, dan ki mon'n met tou mon lazwa.

Revelasyon 19:6

Apre sa, mon ti antann en lavwa konmsi ti lavwa en gran lafoul, parey tapaz gro delo ki koule, konmsi tapaz loraz. Sa lavwa ti pe dir: Loue Senyer! Nou Senyer nou Bondye Toupwisan i Lerwa.