Psonm 68:18 - Labib An Kreol Seselwa

¹⁸ SENYER Bondye! Ou'n mont lao. Ou'n anmenn bann prizonnyen avek ou. Bann pep in ofer ou kado, menm bann ki rebel kont ou.

Psonm 68:18 ပူးပေါင်းရင်းမြစ်များ

2 Kronik 6:18

Me eski Bondye pou vreman reste avek bann imen lo later? Lesyel pli o, pa kapab kontenir ou. Koman alor, sa lakaz ki mon'n fer, pou kapab kontenir ou?

Psonm 110:1

SENYER ti dir avek mon senyer lerwa: Asiz lo mon kote drwat, ziska ki mon met ou bann lennmi anba ou lipye.

Psonm 24:3

Lekel ki kapab mont lo montanny SENYER? Lekel ki pou kapab tenir debout dan son sanktyer?

Psonm 47:5

Bondye i monte dan milye bann laklamasyon. SENYER i avanse avek lanmizik tronpet.

Psonm 7:7

Tou bann pep lo later ava antour ou. Depi lo ou tronn lao, diriz ou pep.

Psonm 78:60

I ti abandonn son demer Silo, landrwa kot i ti reste parmi bann imen.

Ezai 55:7

Bann move dimoun devre sanz zot mannyer viv. Bann ki mazin fer sa ki mal devre abandonn zot move lespri e retourn ver SENYER ki ava pran konpasyon pour zot, ver nou Bondye, akoz i pardonn tou avek zenerozite.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezekyel 48:35

Dezormen, Lavil pou antoure avek en miray 9,000 met toultour. Dezormen, lavil pou apel: SENYER i la.

Zoel 2:11

SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?

Matye 9:13

Al rode ki savedir sa bann parol Lekritir: Konpasyon ki mon oule, pa sakrifis zannimo. Annefe mon pa'n vin apel bann dimoun ki zis, me bann peser.”

Mark 16:9

Granmaten premye zour lasemenn, kan Zezi ti'n resisite, i ti aparet dabor avek Mari Madlenn, dan ki i ti'n sas set demon.

Levanzil dapre Lik 24:47

Repantans ek pardon pese pou ganny anonse dan son non avek tou nasyon, an konmansan par Zerizalenm.

Levanzil dapre Lik 24:49

Mwan, mon pou anvoy lo zot sa ki mon Papa in promet. Reste dan lavil ziska ki pwisans sorti lao dan lesyel ava desann lo zot.”

Levanzil dapre Lik 24:51

Letan i ti pe beni zot, i ti kit zot e mont dan lesyel.

Levanzil dapre Zan 14:23

Zezi ti reponn, “Sa enn ki kontan mwan, pou obei mon bann parol. Mon Papa pou kontan li. Nou pou vin kot li e nou pou reste avek li.

Levanzil dapre Zan 16:7

Pourtan, mon pe dir zot laverite: I pli bon ki mon ale, akoz si mon pa ale, Konseye pa pou vin kot zot. Me si mon ale, alor, mon ava anvoy li kot zot.

Akt de Zapot 2:23

Sa zonm ki Bondye, par son prop volonte e konnesans, ti'n etabli davans dan son plan, i'n ganny livre dan zot lanmen. Bann zonm kriminel ti touy li e klout li lo lakrwa.

Akt de Zapot 2:4

Zot tou, zot ti ranpli avek Lespri Sen e zot ti konmans koz dan lezot lalang, dapre ki Lespri Sen ti donn zot pouvwar.

Akt de Zapot 9:17

Alor, Ananyas ti ale. I ti ariv dan sa lakaz kot i ti enpoz lanmen lo Sol. I ti dir li, “Sol, mon frer! Senyer Zezi ki ti aparet avek ou lo semen kan ou ti pe vini, i'n anvoy mwan kot ou pour ki ou revwar kler e ki ou ranpli avek Lespri Sen.”

Romen 5:8

Me la koman Bondye in prouve ki i kontan nou: Kris in mor pour nou kan nou ti ankor peser.

2 Korentyen 6:16

Ki Tanp Bondye i annan an komen avek bann zidol? Annefe, nou menm ki tanp Bondye vivan. Parey Bondye in deklare: Mon pou mars parmi zot; mon pou vin zot Bondye e zot ava vin mon pep.

Deterononm 33:2

I ti dir: SENYER in vini sorti Sinai, i'n aparet lo kote Seir, i ti briye depi montanny Parann. Pour zot, in vini depi rasanbleman Kades avek bann milye lanz. Dan son lanmen drwat, i ti tenir flanbo lalwa.

Kolosyen 2:3

Dan li, tou bann trezor lasazes ek konnesans Bondye in ganny kasyet.

Kolosyen 2:9

Annefe, Kris i posed dan son lekor, tou natir konplet Bondye.

Ebre 1:3

Sa Garson i reflekte laglwar Bondye. I reprezant egzakteman resanblans Bondye. I soutenir liniver par son parol pwisan. Apre ki i ti'n fini pirifikasyon pese bann et imen, i'n al asiz lo kote drwat Bondye, pwisans siprenm lao dan lesyel.

Ebre 4:14

Alor, pandan ki nou annan en Gran-Pret siprenm, Zezi, Garson Bondye ki'n travers lesyel, annou tenir byen for lafwa ki nou proklanmen.

Ebre 6:20

Lanmenm la kot Zezi in antre avan nou e pour nou. Annefe, i'n ganny etabli koman Gran-Pret pour touzour dapre lord Melkisedek.

Ebre 8:1

Aprezan, la pwen pli enportan lo sa ki nou pe dir: Nou annan en tel Gran-Pret, enn ki'n asiz lo kote drwat tronn Bondye Toupwisan dan lesyel.

1 Pyer 3:22

ki'n mont dan lesyel. I'n asiz dan kote drwat Bondye, kot bann lanz ek tou lotorite ek pwisans dan lesyel in ganny soumet avek li.

Revelasyon 1:20

Pour sa ki konsern mister sa set zetwal ki ou'n war dan mon lanmen drwat, e sa set portlanp annor, la zot sinifikasyon: Sa set zetwal i bann lanz sa set Legliz; sa set portlanp, i sa set Legliz.

Revelasyon 21:3

Mon ti antann en lavwa for sorti kot tronn kriye: La aprezan, Bondye in fer son demer parmi zonm. I pou reste avek zot. Zot pou vin son pep, e i pou vin zot Bondye.

Ziz 5:12

Debora! Leve, leve. Leve! Leve! Sant en kantik. Barak! Leve. Ranmenn ou bann kaptif, bann garson Abinoanm.