Psonm 68:11 - Labib An Kreol Seselwa

¹¹ SENYER i donn lord; en gran lafoul fanm i anons sa bon nouvel:

Psonm 68:11 ပူးပေါင်းရင်းမြစ်များ

Psonm 40:3

I'n met en nouvo kantik lo mon lalev; en kantik pour loue nou Bondye. Bokou dimoun ki pou temwen, pou annan respe pour SENYER e met zot konfyans dan li.

Psonm 68:25

Bann santer i mars devan, bann mizisyen deryer. Dan milye, bann zenn fiy pe zwe lo tanbouren.

Egzod 14:15

SENYER ti dir Moiz, “Akoz zot pe apel mwan? Dir pep Izrael kontiny zot larout.

Egzod 15:20

Mirianm, en profetes, ser Aaron, ti pran en tanbouren. Tou bann fanm ti sorti e swiv li. Zot ti zwe tanbouren e zot ti danse.

Efezyen 4:11

Li menm ki'n etabli serten koman zapot, ouswa koman profet; serten pour anons Bonn Nouvel, serten koman paster, oubyen serten koman ansennyan.

Revelasyon 19:13

I'n abiye dan en rob tranpe dan disan. Son non: Parol Bondye.

Ziz 4:6

I ti fer apel Barak, garson Abinoanm, ki sorti Kedes-Neftali. I ti dir li, “SENYER, Bondye Izrael in donn ou sa lord: Ale! Al dan direksyon montanny Tabor. Pran avek ou 10,000 zonm sorti dan tribi Neftali e dan tribi Zabilon.

1 Samyel 18:6

Ler zot ti pe retourn dan lakour apre ki David ti'n touy sa Filisten, bann fanm ki ti sorti dan tou bann lavil Izrael pour rankontre lerwa Sail, ti sante, danse avek lakonpannyman tanbouren, avek tapaz lazwa ek triyang.