Psonm 65:9 - Labib An Kreol Seselwa

⁹ Ou pran swen avek later. Ou fer lapli tonbe, ou anrisi li e rann li fertil. Larivyer Bondye i plen avek delo; ou donn bon rekolt bann zabitan later. La koman ou prepar later:

Psonm 65:9 ပူးပေါင်းရင်းမြစ်များ

Zenez 26:12

Izaak ti senm lagrenn dan sa pei, e i ti fer gran rekolt, san fwa plis, dan menm lannen. SENYER ti beni li,

Psonm 107:37

Zot senm lagrenn, zot plant pye rezen e i donn en bon rekolt.

Psonm 147:14

I gard lape dan ou bann frontyer; i donn ou meyer rekolt.

Psonm 46:4

I annan en larivyer ki anmenn lazwa dan lavil Bondye, kot son sanktyer Treo i ete.

Psonm 63:1

Mon Bondye! Ou menm mon Bondye. Mon pe rod ou koman soley i leve. Mon swaf, mon anvi ou mon Bondye. Mon lekor i bezwen ou parey en later ki'n sek, san delo.

Psonm 65:11

Ou kouronn lannen avek en kantite byenfe. Kot ou pase i annan labondans.

Ezai 41:5

Bann zil in war e zot per; later antye i tranble. Zot pe aprose, zot pe vini.

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Zeremi 5:24

Zanmen ou'n mazinen onor mwan, SENYER ou Bondye. Mon'n anvoy lapli dan son sezon toulezan, ler ou plante e ler ou rekolte.

Danyel 4:2

I en gran plezir pour mwan anons zot bann mirak ek mervey ki Bondye Toupwisan in fer pour mwan.

Levitik 26:4

mon ava donn zot lapli an sezon. Later ava prodwir bann rekolt e bann pye dibwa ava raport fri.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Akt de Zapot 14:17

Me kantmenm sa, i'n touzour revel son bonte. I'n donn zot son lapli sorti dan lesyel, ek bann rekolt, sakenn dan son sezon. I'n donn zot osi manze e i'n ranpli zot leker avek lazwa.”

Revelasyon 22:1

Apre sa, lanz ti montre mwan larivyer delo lavi, ki ti kler koman kristal, sorti kot tronn Bondye ek tronn Zenn Mouton.

Rit 1:6

Apre sa, Naomi avek son de belfiy ti kit lakanpanny Moab, akoz i ti'n aprann ki SENYER in montre son faver anver son pep e i'n donn zot en bon rekolt.