Psonm 65:8 - Labib An Kreol Seselwa

⁸ Zabitan dan bout later i dan lafreyer par ou bann siny. Ou fer bann pei dan Les e dan Was kriy zot lazwa.

Psonm 65:8 ပူးပေါင်းရင်းမြစ်များ

Zenez 8:22

Tan ki later i egziste, pou annan en sezon pour plante e enn pour rekolte. Pou annan letan lafreser ek letan lasaler, sezon lete ek sezon liver, lizour ek lannwit. Sa pa pou zanmen arete.

Liv Zob 38:12

Eski ou'n deza en fwa dan ou lavi, donn lord pour lizour fer?

Psonm 107:29

I ti kalme tanpet e bann laroul ti reste trankil.

Psonm 126:2

Alor, nou pa ti arete riye, nou ti kriy avek lazwa. Alor, parmi lezot nasyon zot ti dir: SENYER in fer bann gran mervey pour zot!

Psonm 135:9

I'n anvoy dan Lezip bann siny ek bann prodiz kont Faraon ek tou son bann serviter.

Psonm 136:8

Soley pou gouvern lizour; son fidelite i dire pour touzour.

Psonm 148:3

Soley ek lalin! Loue li. Loue li! Tou bann zetwal ki briye.

Psonm 19:5

I parey en nouvo marye ki sorti dan son lasanm. Parey en atlet, avek lazwa i lans li dan son lakours.

Psonm 2:8

Demann mwan, e mon ava donn ou tou nasyon e later antye ava vin ou propriyete.

Psonm 65:13

Laplenn i ranpli avek bann troupo. Bann vale i kouver avek dible. Zot kriye e sante dan lazwa.

Psonm 66:3

Dir Bondye: Tou sa ki ou fer i vreman formidab. Akoz ou pwisans, ou bann lennmi i kourbe devan ou.

Psonm 74:16

Lizour i pour ou, lannwit i pour ou. Ou ki'n enstal lalin ek soley.

Psonm 89:10

Ou ki ti kraz Lezip parey en kadav. Avek ou pwisans ou ti fer ou bann lennmi fannen.

Ezai 17:13

Bann nasyon i gronnyen parey bann gro laroul. Me SENYER pou rezet zot, e zot ava sov byen lwen. Zot ganny pouse parey lapay dan divan lo montanny, parey en tourbiyon lapousyer avan tanpet.

Deterononm 4:19

Kan ou ava lev ou lizye ver lesyel e war soley, lalin, bann zetwal e tou sa ki i annan dan lesyel, pa les ou ganny tante e prosternen devan zot e servi zot. Tousala, SENYER, ou Bondye ki'n donnen avek tou bann pep ki viv anba lesyel.

Revelasyon 11:13

Pandan sa menm moman, ti annan en gran tranblemandter, e en dizyenm parti lavil ti tonbe. 7,000 dimoun ti mor. Bann sirvivan ti ranpli avek lafreyer e zot ti rann glwar Bondye ki dan lesyel.