Psonm 64:5 - Labib An Kreol Seselwa

⁵ Zot ankouraz kanmarad dan sa ki mal; zot kalkile kote zot pou met zot latrap; zot dir: Lekel ki pou war nou?

Psonm 64:5 ပူးပေါင်းရင်းမြစ်များ

Zenez 20:13

Kan Bondye ti fer mwan sorti kot mon papa, mon ti dir Sara: Fer mwan sa faver ki dan tou landrwa kot nou ale, ou ava dir ki mwan ou frer.”

Liv Zob 22:13

Ou dir: Ki Bondye i konnen? Eski i kapab ziz nou atraver bann gro nyaz?

Psonm 10:11

I dir dan li menm: Bondye in oubliye; in kasyet son figir, i pa pou zanmen war nanryen.

Psonm 124:7

Nou'n kapab sape parey en zwazo ki'n sape dan lasenn bann saser. Zot lasenn in kase e nou'n kapab sove.

Psonm 140:5

Bann dimoun arogan in plas en latrap pour mwan. Zot in anmar en lakord, en lasenn obor semen. Zot in met en pyez pour mwan.

Psonm 59:7

Zot labous i deborde avek parol menas. Zot dir: Lekel ki pou antann nou?

Psonm 94:7

Zot dir: SENYER pa pou war nanryen; Bondye Zakob pa pou remarke.

Egzod 15:9

Lennmi ti dir: Mon pou pourswiv zot, mon pou ganny zot. Mon pou ganny en par dan piyaz lager e mon pou rasazye. Mon pou tir mon lepe e mon pour detri zot.

Ezai 41:6

Sakenn pe ed kanmarad. Enn pe dir avek lot: Pran kouraz!

Ezekyel 8:12

I ti demann mwan, “Ou ki en imen, eski ou'n war ki bann ansyen pep Izrael pe fer dan fernwanr, sakenn dan son lasal dekore avek bann zimaz? Zot dir: SENYER pa war nou, SENYER in abandonn pei.”

Nonm 22:6

Vini e modi zot pour mwan, akoz zot pli for ki mwan. Petet mon ava kapab bat zot e pous zot lwen avek mon pei. Mon konnen ki sa ki ou beni, i ganny beni; sa ki ou modi, i ganny modi.

Matye 23:15

Maler lo zot profeser Lalwa ek Farizyen! Bann ipokrit! Zot travers lanmer ek later pour konverti en sel dimoun. Kan zot in reisi, zot fer li merit lanfer de fwa plis ki zot menm.

Revelasyon 11:10

Bann zabitan later pou dan kontantman akoz zot lanmor. Zot pou fete e anvoy kado pour kanmarad, akoz sa de profet ti en tourman pour bann zabitan later.

Ziz 20:22

Bann zonm Izraelit ti repran kouraz; zot ti remet zot an pozisyon konba, dan menm landrwa parey premye zour.