Psonm 64:4 - Labib An Kreol Seselwa

⁴ ki zot tire lo bann inosan depi kot zot in kasyet. San averti, zot tire san okenn lafreyer.

Psonm 64:4 ပူးပေါင်းရင်းမြစ်များ

2 Samyel 15:14

Alor, David ti dir avek tou son lantouraz ki ti avek li Zerizalenm, “Annou sove, napa okenn fason sape avek Absalon. Depes zot; annou ale, sinon i pa pou tarde pour ariv isi e fer en gro maler tonm lo lavil, e masakre bann zabitan lavil.”

Nehemi 4:11

Nou bann lennmi ti pe dir, “Zot pa pou konnen, ni menm war nou, ziska ki nou tonm lo zot; nou ava touy zot e konmsa nou ava fer aret travay.”

Psonm 11:2

Bann malfeter in ris zot lark; zot in plas dart lo son lakord; dan fernwanr, zot tir lo dimoun ki leker i drwat.

Psonm 55:19

Bondye ki rennyen depi touzour pou antann mwan e i pou imilye zot. Zot pa pou sanze, zot napa respe pour Bondye.

Psonm 55:22

Desarz tou ou fardo lo SENYER, i pou soutenir ou. Zanmen i pou les en zis tonbe.

Psonm 57:5

Mon Bondye! Montre ou grander ki depas lesyel! Fer ou laglwar kouver later antye!

Psonm 64:7

Me Bondye pou tir son bann dart lo zot; san tarde, zot pou ganny blese.

Habakouk 3:14

Ou pers latet bann sef son bann gerye avek zot prop dart. Zot arive parey siklonn, pour sas nou dan tou kote. Zot kriye avek lazwa, konmsi pour devor en pov ki ti'n kasyet dan son trou.

Levanzil dapre Zan 19:6

Me kan bann gran-pret ek bann gard ti war li, zot ti kriye, “Krisifye li! Krisifye li!” Pilat ti dir zot, “Pran li zot menm e krisifye li! Mwan, mon pa trouv okenn rezon pour kondann li.”

1 Samyel 18:11

I ti anvoy sa lans e dir dan li menm: Mon pou klout David avek miray. Me an de fwa, David ti saye.

1 Samyel 19:10

Sail ti esey klout David kont miray avek son lans, me David ti saye e lans ti anfons dan miray. Alor, David ti sove; sa swar, i ti sap lanmor.