Psonm 63:3 - Labib An Kreol Seselwa

³ Ou fidelite i vo plis ki lavi; mon labous pou proklanm ou louanz.

Psonm 63:3 ပူးပေါင်းရင်းမြစ်များ

Psonm 21:6

Ou akord li benediksyon pour touzour; ou prezans in donn li lazwa.

Psonm 30:12

Alor, mon pou sante e mon pa pou gard silans. SENYER, mon Bondye! Mon pou touzour loue ou.

Psonm 30:5

Son lakoler i dire zis pour en moman; me son labonte i pour touzour. Mon kapab plere tou lannwit; me ler lizour i fer, mon dan lazwa.

Psonm 4:6

Bokou pe dir: Lekel ki pou montre nou sa ki byen? SENYER! Fer leve lalimyer ou lafas lo nou.

Psonm 42:2

Mon swaf pour Bondye, mon Bondye ki vivan. Kan eski mon pou kapab prezant mwan devan ou prezans?

Psonm 51:15

SENYER! Ouver mon labous e mon ava sant ou louanz.

Psonm 66:17

Avek mon labous mon ti apel li. Mon ti demann li son sekour e mon ti loue li.

Psonm 68:25

Bann santer i mars devan, bann mizisyen deryer. Dan milye, bann zenn fiy pe zwe lo tanbouren.

Psonm 69:16

SENYER, Reponn mwan! Ou fidelite i fer mwan dibyen. Dan ou gran konpasyon, tourn ver mwan!

Psonm 96:6

Laglwar ek mazeste i antour li. Son lafors ek son labote i ranpli son sanktyer.

Egzod 33:18

Moiz ti dir, “Mon sipliy ou, fer mwan war ou laglwar.”

Oze 14:2

Anmenn parol avek ou e retourn kot SENYER. Dir li: Pardonn tou nou bann krim; aksepte sa ki bon; dan plas toro, nou ofer ou bann fri nou labous.

Romen 12:1

Alor, mon bann frer ek ser! Pour tou sa bonte ki Bondye in manifeste anver nou, mon ankouraz zot pour ofer zot lekor koman en sakrifis vivan, sen e agreab, devan Bondye. Sa i ava zot ladorasyon spirityel.

Romen 6:19

Mon pe servi sa fason koze imen, akoz febles zot natir imen. Annefe, otrefwa, parey bann lesklav, zot ti'n soumet zot lekor avek toudsort pratik enpir e zot in viv en lavi dezord ki ti fer zot revolte kont Bondye. Me aprezan, soumet zot lekor konpletman koman bann lesklav, pour zot servi sa enn ki zis e pour anmenn en lavi ki fer plezir Bondye.

1 Korentyen 6:20

akoz Bondye in pey en gran pri pour li aste zot. Alor, servi zot lekor pour loue Bondye.

Filipyen 1:23

Mon ganny trennen dan de kote: Mon ti ava kontan kit sa lavi pour al avek Kris. Sa ti ava preferab.

Ebre 13:15

Alor, par Zezi, annou touzour ofer Bondye en sakrifis louanz, setadir, annou toultan loue son non avek nou labous.

1 Zan 3:2

Mon bann zanmi! Aprezan nou zanfan Bondye, e sa ki nou pou ete plitar pa ankor ganny revele. Me nou konnen ki kan Kris pou aparet, nou pou parey li, akoz nou pou war li parey i ete.