Psonm 61:2 - Labib An Kreol Seselwa

² Depi dan bout later, mon pe kriy ou ler mon dan dekourazman. Kondwir mwan lo sa ros kot mon pa kapab arive.

Psonm 61:2 ပူးပေါင်းရင်းမြစ်များ

Psonm 142:3

Kan mon nepli annan kouraz, ou ki konn semen ki mon'n pran. Dan semen kot mon pase, zot in plas en latrap pour mwan.

Psonm 143:4

Mon nepli annan kouraz, mon leker i dan dezespwar.

Psonm 17:1

SENYER! Ekoute! Mon kriy ver ou pour lazistis. Port mon lapenn! Ekout mon lapriyer ki sorti dan en leker senser.

Psonm 18:2

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Psonm 18:46

SENYER i vivan! Mon rann glwar mon Ros protekter. Mon egzalte Bondye mon Sover.

Psonm 27:5

Dan letan maler, i pou gard mwan anba son twa; i pou kasyet mwan anba son latant; i pou met mwan an sekirite lo en gro ros.

Psonm 40:2

I'n tir mwan dan dezespwar lanmor, dan labou san fon. I'n met mwan debout lo en ros; i'n fer mon lipye vin for.

Psonm 42:6

Dan mon latristes, mon mazin ou, depi dan pei Zourden ek montanny Hermon ek montanny Mitsear.

Psonm 43:5

Akoz mon dekouraze? Akoz mon plenny lo mon sor? Met ou lespwar dan Bondye! Mon pou loue li ankor, mon Sover e mon Bondye.

Psonm 55:5

Mon vreman per e mon tranble; lafreyer lanmor in sezi mwan.

Psonm 62:2

Zis li mon Ros protekter e li tousel ki sov mwan, mon fortres; mon pa pou zanmen tonbe.

Psonm 62:6

Li tousel mon Ros protekter, mon Sover, mon fortres. Mon pa pou zanmen tonbe.

Psonm 77:3

Mon mazin Bondye, mon plennyen devan li. Plis mon reflesir, mon perdi kouraz.

Ezai 32:2

Sakenn pou parey en labri kont divan, en refiz kont tanpet, parey bann sours delo dan landrwa sek, parey lonbraz en ros dan dezer.

Ezai 54:11

Zerizalenm! Ou ki malere! Ou ki tanpet in sekwe e ki pa'n ganny okenn konsolasyon! Mon pe al ranplas ou fondasyon avek marb, e refer ou fondasyon avek pyer presyez.

Levanzil dapre Lik 22:44

Akoz i ti dan langwas, Zezi ti priy plis ankor; son transpirasyon ti tonm ater parey gro gout disan.

Deterononm 4:29

Laba dan sa pei, ou pou rod SENYER, ou Bondye. Si ou rod li avek tou ou leker ek tou ou lespri, ou pou trouv li.