Psonm 60:12 - Labib An Kreol Seselwa

¹² Avek Bondye, nou pou ganny gran laviktwar. Li menm ki pou kraz nou bann lennmi.

Psonm 60:12 ပူးပေါင်းရင်းမြစ်များ

2 Samyel 10:12

Montre kouraz, e annou konbat koman bann brav solda pou nou pep, e pour bann lavil nou Bondye; SENYER ava fer sa ki li menm i war bon.”

1 Kronik 19:13

Pran kouraz e annou montre nou pep ek bann lavil Bondye ki nou bann zonm kouraze, SENYER ava azir mannyer i war bon.

Psonm 118:16

Lanmen drwat SENYER in leve. Lanmen drwat SENYER in fer bann mervey!

Psonm 144:1

Mon loue SENYER, mon Ros protekter. I prepar mon lanmen pour lager. I prepar mon bann ledwa pour konba.

Psonm 44:10

Ou fer nou rekile devan lennmi e zot in depouy nou, mannyer zot oule.

Psonm 44:5

Par ou, nou repous nou bann lennmi. Par ou, nou kraz bann ki atak nou.

Ezai 10:6

Mon pe anvoy li kont en nasyon enfidel. Mon pe anvoy li kont en pep ki eksit mon lakoler, pour depouy zot e sezi tou zot byen; ki pou mars lo zot konmsi labou dan semen.

Ezai 63:3

Mon ti tousel pour kraz rezen dan preswar, personn parmi lepep pa'n vin avek mwan. Dan mon lakoler, mon'n pil lo zot; mon'n kraz zot avek lakoler. Zot disan in fann partou lo mwan; tou mon lenz in tase.

Zakari 10:5

Ansanm, zot pou parey bann konbatan dan lager. Lo semen, zot pou kraz lennmi dan labou; zot pou konbat, akoz SENYER pou avek zot e zot pou imilye bann kavalye.

Malasi 4:3

Zot pou kraz bann ki pratik lemal, akoz sa zour ki mon pou pran aksyon, zot pou vin lasann anba plak lipye.

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.

Zozye 14:12

Pour sa rezon, donn mwan sa pei montanny ki SENYER ti koz lo la sa zour. Annefe, ou ti tande depi sa letan, ki ti annan bann zean, avek zot bann gran lavil fortifye. Si SENYER i avek mwan, mon ava sas zot parey SENYER ti anonse.”

Revelasyon 19:15

Dan son labous ti sorti en lepe byen koupe pour li detri bann nasyon. I pou renny lo zot avek en baton an fer. Avek son lipye, i pou pil diven gran lakoler Bondye Toupwisan dan preswar.