Psonm 6:9 - Labib An Kreol Seselwa

⁹ SENYER in antann mon siplikasyon. SENYER in ekout mon lapriyer.

Psonm 6:9 ပူးပေါင်းရင်းမြစ်များ

2 Kronik 34:27

Ou leker in ganny touse e ou'n imilye ou devan mwan ler ou ti antann tou sa bann parol kont Zerizalenm e kont son bann zabitan. Ou'n imilye ou devan mwan, ou'n desir ou lenz e ou'n plere. Alor, mwan osi mon'n antann ou, SENYER i deklare.

Psonm 118:5

Dan mon langwas, mon ti apel SENYER. SENYER ti reponn mwan; i ti rann mwan lib.

Psonm 120:1

Dan mon detres, mon ti kriy ver SENYER e i ti reponn mwan.

Psonm 138:3

Letan mon ti apel ou, ou ti reponn mwan; ou ti donn mwan plis kouraz.

Psonm 3:4

Mon kriy for ver SENYER; depi son montanny sen i reponn mwan.

Psonm 31:22

Dan mon dezespwar mon ti pe dir: Ou'n zet mwan lwen avek ou. Me ou'n antann mon siplikasyon kan mon ti kriy ver ou.

Ezai 38:5

Al dir Ezekyas: La sa ki SENYER, Bondye ou zanset David i deklare: Mon'n antann ou lapriyer. Mon'n war ou bann larm; mon pou azout 15 an lo ou lavi.

Lamantasyon 3:56

Ou ti antann mon lapriyer: Pa bous ou zorey ler mon kriy osekour!

Zonas 2:2

Dan mon dezespwar mon ti apel ou SENYER e ou ti reponn mwan. Depi dan profonder lanmor mon ti kriy osekour, e ou ti reponn mwan.

Zonas 2:7

Kan lanmor ti pre avek mwan, mon ti mazin SENYER. Mon lapriyer ti mont kot ou, e dan ou tanp sen, ou ti ekout mwan.