Psonm 6:6 - Labib An Kreol Seselwa

⁶ Mon fatige afors plennyen. Tou le swar, mon lili i mouye avek mon larm; afors mon plere, mon lili i tou tranpe.

Psonm 6:6 ပူးပေါင်းရင်းမြစ်များ

Liv Zob 10:1

Mon degout mon lavi. Mon pou fer konnen tou mon lapenn; mon pou dir tou sa ki lo mon leker.

Liv Zob 16:20

Mon bann zanmi i mepriz mwan; mon lizye i sipliye avek larm devan Bondye.

Liv Zob 23:2

Ozordi, mon ankor pe revolte kont Bondye. Menm si mon esey touf mon konplent, maler ki Bondye i anvoy lo mwan i pli for.

Liv Zob 7:3

Mwan, mon konn zis bann mwan dan maler. Mon pas mon bann lannwit dan lapenn.

Psonm 115:17

Dimoun mor pa loue SENYER; ni sa bann ki desann dan lemonn lanmor.

Psonm 30:10

SENYER! Ekout mwan. Pran pitye pour mwan. SENYER! Vin sekour mwan.

Psonm 38:9

SENYER! Ou konn byen tou mon dezir; ou antann mon bann soupir.

Psonm 39:12

SENYER! Ekout mon lapriyer. Mon kriy ou. Ekout mwan! Pa reste endiferan devan mon larm. Mon en pasan kot ou; en etranze parey tou mon bann zanset.

Psonm 42:3

Lizour koman aswar, mon larm i mon sel nouritir. Zot demann mwan: Oli ou Bondye?

Psonm 69:3

Mon fatige afors kriye; mon lagorz i sek. Mon lizye i fatige afors esper mon Bondye.

Psonm 88:11

Lekel ki koz lo ou fidelite dan latonm? Lekel parmi bann mor, ki pou rakont ou fidelite?

Psonm 88:9

Mon lizye in abimen avek sagren. Tou le zour, mon apel ou SENYER e mon lev mon lanmen ver ou.

Ezai 38:18

Lemonn lanmor pa kapab loue ou. Lanmor pa kapab selebre ou. Sa ki desann dan sa trou san fon pa kapab met lespwar dan ou fidelite.

Zeremi 14:17

La sa ki ou ava dir lepep: Mon lizye i ranpli avek larm nwit e zour; mon pa aret plere, akoz mon pep ki mon kontan parey mon fiy in soufer en kantite. Son blesir i vreman grav.

Lamantasyon 1:16

Se pour sa bann rezon ki mon pe plere. Mon lizye pe noye dan larm, akoz mon konsolater, sa enn ki kapab redonn mwan lavi, in abandonn mwan. Napa okenn lavenir pour mon bann zanfan, akoz lennmi in ranport laviktwar.

Lamantasyon 1:2

I plere tou lannwit, larm i koule lo son lazou. Tou sa bann ki ti kontan li in abandonn li; napa personn pour konsol li. Tou son bann zanmi in trai li; zot in vin son lennmi.

Lamantasyon 2:11

Mon lizye i fatige plere. Mon leker i boulverse, mon dan dezespwar. Lennmi in detri mon pep. Bann zanfan e bann pti baba pe mor lo bann semen dan lavil.

Levanzil dapre Lik 7:38

I ti debout deryer Zezi, kot son lipye. I ti plere e avek son larm, i ti mouy lipye Zezi e i ti eswiy avek son seve. I ti anbras son lipye e vers lesans lo la.