Psonm 6:2 - Labib An Kreol Seselwa

² Pran pitye pour mwan, SENYER! Mon pe deperi; Geri mwan SENYER! Mon lekor antye pe tranble.

Psonm 6:2 ပူးပေါင်းရင်းမြစ်များ

Zenez 20:17

Apre, Abrahanm ti priy Bondye, ki ti geri Abimelek, son fanm ek son bann servant. Alor, zot ti kapab ganny zanfan.

Liv Zob 19:21

Zot mon bann zanmi! Pran pitye pour mwan, pran pitye pour mwan! Lanmen Bondye ki'n tap mwan.

Liv Zob 5:18

Bondye ki blese e ki panse. Sa enn ki i fer soufer, son lanmen i geri.

Psonm 22:14

Mon lafors in koule parey delo; tou mon bann lezo in large. Parey lasir, mon leker i fonn dan mon pwatrin.

Psonm 30:2

SENYER, mon Bondye! Mon ti kriy ver ou e ou'n geri mwan.

Psonm 31:10

Mon lavi pe fini dan langwas; mon bann lannen i fini dan plere. Akoz mon bann pese, mon perdi kouraz. Menm mon bann lezo in large.

Psonm 32:3

Tan ki mon pa ti konfes mon pese, mon ti napa lafors e mon ti plennyen tou lazournen.

Psonm 38:2

Ou'n transpers mwan avek ou bann dart, ou lanmen in kraz mwan.

Psonm 38:3

Akoz ou lakoler, mon lekor pa byen. Akoz mon bann pese, mon lekor antye i malad.

Psonm 38:7

Mon lekor i brile avek lafyev, tou mon lezo i fermal.

Psonm 51:8

Rann mwan lazwa e gou pour viv e mon bann lezo ki ou'n kase ava rezouir.

Egzod 15:26

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

Zeremi 10:24

Koriz ou pep, SENYER! Me pa tap li tro for. Pa pini li ler ou ankoler, sankwa nou pou ganny detri konpletman.

Zeremi 17:14

SENYER! Zis ou ki kapab geri mwan. Zis ou ki kapab sov mwan. Ou menm ki fer mwan sant ou laglwar.

Oze 6:1

Zot dir: Annou retour ver SENYER. I'n desir nou, me i ava geri nou. I'n bles nou, me i ava pans nou blesir.

Nonm 12:13

Alor Moiz ti priy SENYER. I ti dir, “Mon Bondye, mon sipliy ou, geri li!”

Matye 4:24

Son renonmen ti fannen partou dan Lasiri antye. Zot ti anmenn kot li bann ki ti annan toudsort maladi e ki ti pe soufer: Bann ki ti posede par demon, bann ki ti annan bebelouka ek bann ki ti paralize. Zezi ti geri zot tou.

Deterononm 32:39

Aprezan, gete! Mwan menm mwan, zis mwan ki la; napa en lot bondye apar mwan. Mwan ki donn lanmor e ki donn lavi. Mwan ki blese e ki geri. Personn pa kapab delivre sa enn ki dan mon lanmen.