Psonm 59:3 - Labib An Kreol Seselwa

³ Gete! Zot pe vey mwan, pre pour zot touy mwan. Bann zonm pe fer konplo kont mwan. Pourtan SENYER, mon pa'n fer nanryen mal, ni komet okenn pese.

Psonm 59:3 ပူးပေါင်းရင်းမြစ်များ

Psonm 140:2

ki prepar bann move kou dan zot lespri. Tou le zour zot pe provok lager.

Psonm 2:2

Bann lerwa lo later, zot pran zot pozisyon; bann dirizan, zot fer konplo ant zot kont SENYER ek sa enn ki i'n swazir. Zot dir:

Psonm 38:12

Sa bann ki swet mon lanmor zot met zot latrap. Sa bann ki anvi mon maler pe fer mannyer pour detri mwan. Tou lazournen zot dir dimal lo mwan.

Psonm 56:6

Ansanm, zot kasyet pour espyonn lo mwan. Zot vey mon bann mouvman. Zot pare pour pran mon lavi.

Psonm 69:4

Sa bann ki ay mwan san okenn rezon, zot pli bokou ki seve lo mon latet; en kantite zot i oule detri mwan; mon bann lennmi i oule detri mwan avek zot fo lakizasyon. Eski fodre mon rann sa ki mon pa'n vole?

Proverb 12:6

Parol bann malfeter i en latrap mortel; me parol bann ki drwat i delivre zot.

Proverb 24:15

Pa met en pyez parey en malfeter kont lakaz sa enn ki zis; pa ravaz landrwa kot sa enn ki zis i reste,

Mise 7:2

Dimoun ki fidel in disparet dan pei. Nepli annan en sel dimoun onnet. Zot tou, zot pe tranpe pour fer koule disan. Sakenn in met en pyez kont son prosen.

Levanzil dapre Zan 15:25

Me sa i arive, pour ki sa parol ki'n ganny ekri dan zot lalwa i ganny akonpli: Zot in ay mwan san okenn rezon.

Akt de Zapot 23:21

Fodre pa ekout zot, akoz i annan plis ki 40 zonm ki pou kasyet pour esper li. Zot in fer en serman pour pa ni manze ni bwar ziska ki zot in touy li. Zot in pare pour fer li, e zot pe esper ou desizyon.”

1 Samyel 19:1

Sail ti koz avek Zonatan e avek tou son bann zonm dan son pale, son lentansyon pour fer touy David. Me Zonatan, garson Sail, ti kontan David en kantite.

1 Samyel 24:11

Gete! Get bout ou rob dan mon lanmen, ou kapab rekonnet e war ki mon napa move lentansyon ni anvi revolte kont ou. Mon pa'n komet sa krim kont ou; pourtan, ou pe rod mwan pour pran mon lavi.

1 Samyel 24:17

I ti dir David, “Ou pli bon ki mwan, ou'n fer mwan dibyen, tandis ki mwan, mon'n fer ou dimal.

1 Samyel 26:18

David ti azoute, “Akoz, mon senyer pe pourswiv mwan! Ki mon'n fer ou? Pour ki mal mon koupab?