Psonm 56:7 - Labib An Kreol Seselwa

⁷ Fer zot peye pour sa bann krim. Mon Bondye! Dan ou lakoler, kraz sa bann zans.

Psonm 56:7 ပူးပေါင်းရင်းမြစ်များ

Psonm 36:12

La bann malfeter in tonbe. Zot in ganny ranverse e zot pa kapab leve.

Psonm 37:32

En malfeter i espyonn sa enn ki zis; i rode ki mannyer pour touy li.

Psonm 49:6

Zot met zot konfyans dan zot larzan; zot fer vantar avek zot gran larises.

Psonm 55:15

Mon swet lanmor lo mon bann lennmi. Fer zot desann vivan dan lemonn lanmor! Annefe, mesanste i dan zot lakaz e dan zot leker.

Psonm 55:23

Me ou, Mon Bondye! Ou ava fer sa bann malfeter desann dan lemonn lanmor. Sa bann kriminel, sa bann tret pa pou viv lanmwatye zot lavi. Me mwan, mon kont lo ou.

Psonm 55:9

SENYER! Konfiz plan mon bann lennmi. Met divizyon parmi zot, akoz mon war vyolans ek konfli dan lavil.

Psonm 59:4

San ki mon'n komet okenn fot, zot taye e zot met zot pare pour atak mwan. Leve! Vin kot mwan e ou ava war ou menm.

Eklezyas 8:8

Personn napa kapab kontrol lo lavi; personn pa kapab retard zour son lanmor; dan lager personn pa kapab sove; mesanste pa les personn ki move, sape.

Ezai 28:15

Akoz zot in dir: Nou'n fer en lalyans avek lanmor; nou annan en lakor avek lemonn lanmor. Ler katastrof ava arive, i pa pou tonm lo nou; akoz nou'n fer mansonz vin nou labri e nou kasyet nou dan tou sa ki fo.

Zeremi 10:25

Plito, devers ou lakoler lo sa bann nasyon ki pa ador ou e lo sa bann pep ki pa rekonnet ou. Zot in touy ou pep; zot in detri Izrael konpletman e zot in devaste son pei.

Zeremi 7:10

Apre tousala, zot vin prezant zot devan mwan, dan sa tanp ki'n ganny konsakre pour mwan e zot dir: Nou'n ganny delivre! Sa i zis pour zot kapab kontinyen fer sa bann aksyon degoutan.

Habakouk 1:13

Ou lizye i tro pir pour kontanple lemal. Ou pa kapab get maler, pourtan, ou get bann tret san dir nanryen. Kan bann malfeter i detri bann pli zis ki zot, akoz ou reste trankil?