Psonm 56:4 - Labib An Kreol Seselwa

⁴ Mon loue Bondye akoz son parol. Mon met mon konfyans dan li; mon pa per. Ki en imen i kapab fer mwan?

Psonm 56:4 ပူးပေါင်းရင်းမြစ်များ

2 Kronik 20:3

Zozafat ti per. I ti deside pour konsilte SENYER e donn lord pour fer en zenn partou dan pei Zida antye.

2 Kronik 20:4

Bann Zideen sorti dan tou kote, ti rasanble dan Zerizalenm pour demann led SENYER.

Psonm 118:6

Si SENYER i lo mon kote, mon pa per nanryen. Ki en zonm i kapab fer mwan?

Psonm 119:160

Tou ou parol i laverite; ou bann desizyon i zis e bon pour touzour.

Psonm 12:6

Parol SENYER i pir. I parey larzan ki'n ganny pirifye set fwa.

Psonm 138:2

Mon prosternen ver ou tanp e mon selebre ou non akoz ou fidelite ek ou lanmour, akoz ou'n akonpli plis ki sa ki ou ti'n promet.

Psonm 27:1

SENYER i mon lalimyer e mon sover. Lekel ki mon pou per? SENYER i mon protekter kont tou danze. Mon pa pou zanmen per.

Ezai 31:3

Bann Ezipsyen i bann imen, zot pa Bondye; zot bann seval i annan laser, zot pa en lespri. Ler SENYER i lev son lanmen, sa enn ki port sekour pou kilbite, sa enn ki ganny sekour pou tonbe e tou le de pou mor ansanm.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Levanzil dapre Zan 10:35

Nou konnen ki sa ki Lekritir in dir i vre, e Bondye ti apel sa bann dimoun avek ki i'n adres son mesaz, bann bondye.

Ebre 13:6

Pour sa rezon, nou kapab dir avek konfyans: Senyer i mon sekour, mon pa per personn. Ki dimoun i kapab fer mwan?

1 Samyel 30:6

David ti dan en gran tourman, akoz lepep ti pe mazin saboul li akoud ros. Zot tou, zot ti bokou ankoler, sakenn pour son bann garson e bann fiy. Me David ti repran kouraz e met son konfyans dan SENYER, son Bondye.