Psonm 55:7 - Labib An Kreol Seselwa

⁷ Vreman, mon ti pou al byen lwen. Mon ti pou al reste dan dezer.

Psonm 55:7 ပူးပေါင်းရင်းမြစ်များ

2 Samyel 15:14

Alor, David ti dir avek tou son lantouraz ki ti avek li Zerizalenm, “Annou sove, napa okenn fason sape avek Absalon. Depes zot; annou ale, sinon i pa pou tarde pour ariv isi e fer en gro maler tonm lo lavil, e masakre bann zabitan lavil.”

Zeremi 37:12

Zeremi ti oule kit Zerizalenm pour li al dan teritwar Benzamen, pour li pran posesyon son teritwar parmi son pep.

Zeremi 9:1

Si zis mon latet ti en rezervwar delo e mon lizye en sours larm! Mon ti ava kapab plere lizour koman lannwit, pour bann viktim parmi mon pep.

Zeremi 9:2

Si selman mon ti annan en landrwa dan dezer kot mon ti ava kapab ale, lwen avek mon pep! Zot tou, zot en bann tret ki viv dan adilter.

1 Samyel 27:1

David ti dir dan li menm: En zour ou lot, mon pou mor par lanmen Sail. Meyer keksoz mon kapab fer, se sove e al dan pei bann Filisten. Konmsa, Sail ava aret rod mwan partou dan teritwar Izrael; konmsa, mon ava kapab sape.