Psonm 53:6 - Labib An Kreol Seselwa

⁶ Ti ava bon war delivrans Izrael sorti Siyon, kan Bondye i retabli sityasyon son pep. Desandan Zakob pou dan lazwa; pep Izrael pou kontan.

Psonm 53:6 ပူးပေါင်းရင်းမြစ်များ

Esdras 3:11

Zot ti loue SENYER; sakenn son tour, zot ti sant sa refren: SENYER i bon, son lanmour pour Izrael i dire pour touzour! Lepep antye osi ti loue SENYER par bann gran aklamasyon, akoz zot ti pe poz fondasyon tanp SENYER.

Nehemi 12:43

Sa zour, lepep ti ofer en kantite sakrifis, e anmiz zot, akoz Bondye ti'n donn zot en gran lokazyon pour rezouir. Bann fanm avek bann zanfan ti osi dan lazwa; tapaz selebrasyon ti ganny tande lwen an deor Zerizalenm.

Liv Zob 42:10

Apre sa, kan Zob ti'n fini priy pour son bann zanmi, SENYER ti redonn li larises. I ti donn li de fwa plis ki i ti annan avan.

Psonm 14:7

Lekel ki pou sorti Zerizalenm pour delivre Izrael? Kan SENYER ava anmenn sanzman dan sityasyon son pep, bann desandan Zakob pou dan lazwa; pep Izrael pou rezoui.

Psonm 50:2

Depi Zerizalenm, sa lavil avek en labote parfe, SENYER i aparet dan lalimyer.

Psonm 85:1

SENYER! Ou'n montre ou lanmour anver ou pei; ou'n retabli sityasyon Zakob.

Proverb 28:1

En malfeter i sove san ki personn pa pourswiv li; me sa enn ki zis i annan otan konfyans ki en lyon.

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Ezai 14:32

Ki larepons fodre donn mesaze bann nasyon? SENYER in etabli Siyon. Bann malere parmi son pep i an sekirite kot li.

Zeremi 30:18

La sa ki SENYER i deklare: Mon pou fer Zakob repran posesyon son latant; mon pou annan pitye pour sakenn son fanmir. Zerizalenm pou ganny rekonstri kot i ti ete avan; son pale pou ganny rekonstri parey avan.

Zeremi 31:23

La sa ki SENYER liniver, Bondye Izrael i deklare: Kan mon ava'n fini retabli lepep koman i ti ete avan dan pei Zida e dan son bann lavil, zot pou rekonmans dir sa bann parol: Kolin sakre kot lazistis i reste! SENYER ava beni ou.

Zoel 3:1

La sa ki SENYER i deklare: Sa zour la, dan sa letan, mon pou retabli sityasyon Zida ek Zerizalenm.

Levitik 26:17

Mon pou abandonn zot e zot lennmi ava ganny laviktwar lo zot. Dimoun ki deteste zot ava domin zot e zot ava sove san ki personn i pourswiv zot.

Levitik 26:36

Pour sa bann ki ava'n reste dan pei, mon pou anvoy dekourazman lo zot dan pei zot bann lennmi. Tapaz en fey ki tonbe pou fer zot per. Zot pou sove konmsi zot ti pe sov lennmi. Zot pou tonbe menm si personn pa ti pe pourswiv zot.

Amos 9:14

Mon pou fer mon pep Izrael retourn dan son pei. Zot ava rekonstri bann lavil ki'n ganny detri e reste ladan. Zot ava plant pye rezen e zot ava bwar diven. Zot ava kiltiv bann zarden e manz zot fri.