Psonm 53:3 - Labib An Kreol Seselwa

³ Zot tou, zot in kit bon semen. Zot tou, zot in koronpi. Napa personn ki fer sa ki byen.

Psonm 53:3 ပူးပေါင်းရင်းမြစ်များ

2 Samyel 20:2

Alor, pep Izrael antye ti kit David e swiv Seba, garson Bikri. Me pep Zida ti reste avek zot lerwa e swiv li depi larivyer Zourden ziska Zerizalenm.

Liv Zob 15:16

ki mannyer i pou met son konfyans dan en et imen ki degoutan e koronpi, ki komet lemal konmsi i pe bwar delo?

Psonm 14:3

Zot tou, zot in egare; zot tou, zot in koronpi. Personn pa fer sa ki byen, pa menm en sel.

Ezai 53:6

Nou tou, nou ti eran. Parey en troupo mouton, ki'n perdi semen, sakenn ti al dan son prop direksyon. SENYER in plas lo li tou nou bann krim.

Ezai 64:6

Nou tou, nou'n fer pese e tou nou bann bon aksyon, i parey en lenz sal. Nou tou, nou'n fletri parey en fey e nou bann pese i fer nou anvole dan divan.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Sofoni 1:6

Zot in tourn ledo avek SENYER, e pa'n rod SENYER ni konsilte li.

Romen 3:12

Tou dimoun in kit bon semen; zot in tourn ver lemal. Napa personn ki fer sa ki byen, pa menm en sel.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

1 Zan 2:29

Zot konnen ki Kris i zis. Alor, zot devre rekonnet ki sa enn ki pratik lazistis, i en zanfan Bondye.

3 Zan 1:11

Mon zanmi! Pa imit sa ki mal, me imit plito sa ki byen. Sa enn ki pratik sa ki byen, i pour Bondye. Sa enn ki fer sa ki mal, pa konn Bondye.

Revelasyon 22:11

Malfeter ava kontinyen pratik plis lemal. Dimoun sal ava kontinyen reste dan zot salte. Sa enn ki bon ava kontinyen pratik plis sa ki byen e sa enn ki sen ava kontinyen vin touzour pli sen.