Psonm 52:5 - Labib An Kreol Seselwa

⁵ Alor, Bondye pou detri ou pour touzour; i pou sezi ou e trenn ou deor; i pou derasin ou lo later parmi bann vivan.

Psonm 52:5 ပူးပေါင်းရင်းမြစ်များ

Liv Zob 18:14

I ganny tire anba son latant kot i ti an sekirite, e i ganny trennen kot lerwa lemonn lanmor.

Psonm 116:9

Alor, mon ti kapab mars dan prezans SENYER, lo later bann vivan.

Psonm 27:13

Mon sir ki mon pou war labonte SENYER lo sa later kot nou pe viv.

Psonm 55:23

Me ou, Mon Bondye! Ou ava fer sa bann malfeter desann dan lemonn lanmor. Sa bann kriminel, sa bann tret pa pou viv lanmwatye zot lavi. Me mwan, mon kont lo ou.

Proverb 12:19

Laverite i touzour valab, me mansonz pa dir lontan.

Proverb 19:5

En fo temwen pou ganny pini en zour; sa enn ki koz manti pa pou sape.

Proverb 19:9

En fo temwen pour ganny pini en zour; sa enn ki koz lalang pour disparet.

Proverb 2:22

Me bann malfeter pou ganny sase dan sa pei, bann tret ava ganny derasinen lo sa later.

Ezai 22:19

Mon pou tir ou dan ou pozisyon, ou pou ganny degrade dan ou plas.

Ezai 38:11

Mon ti dir ki mon pou nepli war SENYER lo later bann vivan; mon pa pou war bann et imen ankor parmi bann zabitan lemonn.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.