Psonm 52:3 - Labib An Kreol Seselwa

³ Ou prefer dimal plito ki dibyen, mansonz plito ki laverite.

Psonm 52:3 ပူးပေါင်းရင်းမြစ်များ

Psonm 62:4

Zot mazin zis sali loner en dimoun enportan. Zot plezir i dan mansonz; zot dir zoli parol avek zot labous, me dan fon zot leker zot modi li.

Proverb 21:10

En malfeter i mazin zis fer sa ki mal; i napa pitye menm pour son zanmi.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Zeremi 9:8

Zot lalang i parey en dart anpwazonnen. Zot touzour koz manti. Sakenn i dir dibyen devan son vwazen; me dan son leker, i pe prepar plan pour fer li ditor.

Mise 3:2

Me zot ay sa ki byen e zot kontan sa ki mal. Zot aras lapo lo mon pep, ek laser lo zot lezo.

Levanzil dapre Zan 8:44

Zot, dyab ki zot papa, e se dezir zot papa ki zot oule realize. Depi o konmansman i en kriminel, i pa'n zanmen kontan laverite, akoz napa laverite dan li. Kan i koz manti, i koz dapre son natir, akoz i manter e papa tou mansonz.

Romen 1:25

Zot sanz laverite Bondye kont mansonz. Zot ador e servi kreatir olye ador Kreater ki merit ganny loue pour touzour! Amenn!

2 Timote 3:4

Zot pou tret, annan karakter vif, gonfle avek lorgey, kontan plezir plis ki Bondye.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!