Psonm 51:6 - Labib An Kreol Seselwa

⁶ Me ou kontan laverite ki dan fon leker. Alor, dan pli profon mon leker, fer mwan konn lasazes.

Psonm 51:6 ပူးပေါင်းရင်းမြစ်များ

2 Samyel 12:13

David ti reponn Natan, “Mon'n fer pese kont SENYER.” Natan ti reponn David, “SENYER osi in pardonn ou pese: Ou pa pou mor.

2 Rwa 20:3

“Pitye SENYER! Mon sipliy ou, rapel koman mon ti swiv ou e mars devan ou avek fidelite e avek tou mon leker pour fer sa ki fer ou plezir.” Ezekyas ti pler en kantite.

1 Kronik 29:17

SENYER! Mon konnen ki ou konn nou leker e ki ou pran plezir dan ladrwatir. Alor, avek en leker drwat ki mon'n ofer ou, volonterman, tou sa bann keksoz. Mon dan lazwa aprezan, ler mon war ou pep rasanble isi, pe ofer ou avek lazwa e volonterman.

Liv Zob 32:8

Me an realite, sa ki donn zonm disernman, se lespri Bondye liniver.

Liv Zob 38:36

Lekel ki donn ibis, zwazo Nil, lasazes? Lekel ki donn kok disernman?

Psonm 125:4

SENYER! Fer dibyen pour bann ki bon, pour bann ki leker i drwat.

Psonm 15:2

Sa enn ki san repros, ki fer sa ki byen, ki dir laverite e son leker i onnet;

Psonm 26:2

Teste mwan, SENYER! Egzamin mwan, mon lespri ek mon leker.

Psonm 32:5

Me, mon'n avoue mon pese avek ou; mon pa'n kasyet mon fot. Mon ti dir: Mon pou konfes mon pese avek SENYER. Alor, ou ti pardonn mwan mon pese.

Psonm 41:5

Mon bann lennmi i dir dimal lo mwan. Zot demande kan mon pou mor e mon non ava disparet.

Psonm 5:9

Okenn laverite pa sorti dan zot labous; zot leker i ranpli avek destriksyon; zot lagorz i en tonbo ouver; zot lalang i koz zis flatri.

Proverb 2:21

Annefe, dimoun zis ki pou reste dan sa pei; bann inosan ki ava kontinyen reste.

Proverb 2:6

Annefe, SENYER ki donn lasazes; konnesans ek larezon i sorti kot li.

Zeremi 12:1

SENYER! Ou tro zis pour mwan akiz ou. Malgre sa, mon oule koz lo lazistis avek ou. Akoz malfeter i prospere dan lavi? Akoz bann malfeter i viv trankilman?

Zeremi 31:33

La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.

Zeremi 32:40

Mon pou fer en nouvo lalyans avek zot pour touzour; mon pou touzour fer zot dibyen. Zot ava annan respe pour mwan avek tou zot leker e zot pa pou abandonn mwan.

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

Levanzil dapre Lik 11:39

Me Senyer ti dir li, “Zot bann Farizyen, zot netway lakoup ek pla an deor, me anndan zot ranpli avek lavaris ek mesanste.

Romen 7:22

Dan mwan menm, koman en zonm, mon ganny plezir dan Lalwa Bondye.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

Let Zak 4:8

Apros avek Bondye, e i ava apros avek zot. Lav zot lanmen, zot ki komet pese! Pirifye zot leker, zot bann ipokrit!

1 Pyer 3:4

Me zot labote i devret en labote enteryer, dan leker, kot i pa kapab disparet. Labote en lespri bon e trankil ki annan en gran valer devan Bondye.

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”