Psonm 51:19 - Labib An Kreol Seselwa

¹⁹ Alor ou ava aksepte bann sakrifis ki ou demande, bann lofrann ek bann sakrifis konplet. Alor, nou ava kapab ofer bann toro lo ou lotel.

Psonm 51:19 ပူးပေါင်းရင်းမြစ်များ

2 Rwa 22:19

Akoz ou leker in touse, e ou'n imilye ou devan SENYER, ler ou ti antann sa ki mon'n dir lo sa landrwa ek son bann zabitan ki zot pou dan dezolasyon e anba malediksyon; akoz ou'n desir ou lenz e plere devan mwan, mwan osi mon'n ekout ou. SENYER ki deklare.

Psonm 118:27

SENYER i sel Bondye. I'n kler nou avek son lalimyer. Form laprosesyon avek brans feyaz dan lanmen, monte ziska bann korn otour lotel.

Psonm 34:19

En zonm ki zis i tonm dan bokou maler. Me SENYER i touzour delivre li.

Psonm 4:5

Ofer bann sakrifis ki byen; met ou konfyans dan SENYER.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 66:2

Tou sa ki egziste, se mon lanmen ki'n fer; alor, tousala i pour mwan. Me mon pran pitye pour sa ki malere, sa ki dan dekourazman, sa ki annan gran respe pour mon parol. SENYER ki deklare.

Malasi 3:3

Parey kan en fonder metal i asiz pour li fonn e pirifye lor ek larzan, SENYER pou pirifye bann desandans Levi. Alor, zot ava kapab ofer lofrann dapre lareg ki'n ganny etabli.

Romen 12:1

Alor, mon bann frer ek ser! Pour tou sa bonte ki Bondye in manifeste anver nou, mon ankouraz zot pour ofer zot lekor koman en sakrifis vivan, sen e agreab, devan Bondye. Sa i ava zot ladorasyon spirityel.

Efezyen 5:2

Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.